Nalik Venturesip aqutsisuni nukittorsarai

Mikkel Bjarnø Lund, tusagassiortoq, ukiuni arlalinni Greenland Airportsimi sulisimasoq, Namminersorlutik Oqartussat inuussutissarsiornermik siuarsaanermut ingerlatseqatigiiffianni Nalik Venturesimi attaveqaqatigiinnermut pisortanngorpoq.

Kissaatigilluinnakkaminut akuersisimalluni Facebookimi quppernermini allappoq.

- Eqqortumik iliornerusoraara. Uannut pingaarnerpaaq tassaavoq pingaartitannut qaninnerulernissara: nammineq pilersissinnaanngisannik pilersitseqataaneq, quppernermini allappoq.

Nalik Ventures nunami namminermi naleqarnerulersitsisumik ineriartortitsinissamik inuussutissarsiornermillu ineriartortitsiniarluni suliniuteqartoq, najukkami naleqarnerulersitsinissaq qitiutillugu aamma eqqaavaa.

- Inuttut suliffimmullu tunngatillugu iluaqutigissavara. Aallartilluarnissara qilanaareqaara – siunissamilu pisussat qilanaareqaakka, Mikkel Bjarnø Lund oqarpoq.