KL

DK

Narsarsuup mittarfiata matuneqarnerani Qaqortullu mittarfiata ammarneqarnerani ullunit killitsinnartunit assit takukkit

Ullup ataasiinnaap ingerlanerani Narsarsuup mittarfia matummat Qaqortullu mittarfia ammarluni pisut misigissutsitigut aalassassimaarfiupput. Kalaallit Nunaanni silaannakkut angallannerup oqaluttuarisaaneranit assit ataani takukkit.

Attaveqarnermut Naalakkersuisoq Iddimanngiiu Jensen Bianco (saamilleq) Naja Lundilu, Narsarsuarmi inunngorlunilu peroriartortoq (talerpilleq) timmisartoq kingulleq Narsarsuarmut mimmat imminut pakkupput. Taakku tamarmik pisumit attortisimapput.
Oscar Scott Carl
Oscar Scott Carl Assiliisoq tusagassiortoq
Saqqummersinneqarpoq
Qaqortup mittarfiata oqaluttuarisaanerani timmisartup siulliup tikinnissaanut Qaqortormiorpassuit tikilluaqqusiartorlutik takkupput. Timmisartoq pisortatigoortumik mittoq siulleq sisamanngornermi apriilip 16-ani 2026-mi nalunaaqutaq 09.03 Qaqortup mittarfittaavanut mippoq.
Narsarsuup oqaluttuarisaaneraani Dash-8-p matua kingullermeerluni matuneqarpoq, Narsarsuullu mittarfia pisortatigoortumik matuneqarpoq.
Timmisartup siulliup Qaqortumut minnerani pitsaanerpaamik isikkivilimmiikkumallutik inuit qaqqami qummukaapput.
Qaqortumi ulloq nalliuttorsiorfik naggataarlugu timersortarfissuup silataani qummoroortartortoqarpoq.
Timmisartoq kingulleq Narsarsuup mittarfianit qangattarpoq.
Sofus Davidsen timmisartoq Qaqortup mittarfianut mimmat nuannaarnerup qilliinik nakkartitsivoq. – Ernera timmisartumut siullermut marshalliuoq. Tulluusimaarutigeqaara.
Narsarsuup mittarfiata oqaluttuarisaanerani inuit timmisartumit kingullermit aniasut inunnit nipaatsunit naapinneqarput. Narsarsuarmiut nipaallutik sanileriillutik oqaluttuarisaanerup naggasernera isiginnaarpaat: mittarfiup oqaluttuarisaanerani timmisartoq kingulleq.
Oqalugiarnerit, erinarsornerit qitillu Qaqortup mittarfiata ammaqqammersup tikttarfiani takussaapput.
Paggaa! Greenland Airports Qaqortup katersortarfiani Qaqortormiut peqatigalugit mittarfittaaq nalliussiniarlugu kaffillerpoq.
Timmisartoq kingulleq Narsarsuarmit qangattarpoq, taamaalillunilu mittarfik inuulluaqquneqarpoq. Qeqqanni mittarfiup pisortarisimasaa Storch Lund nikorfavoq, ullorlu alinartoq oqaluttuaralugu. - Inuppassuit Qaqortumut piffinnullu allanut nuuttut inuulluaqqoreerpagut. Inuit taama amerlatigisut, maanngaqqittussaajunnaarunartut inuulluaqqunerat uatsinnut oqimaaqaaq. Pisulli soorunami akuerisariaqarpagut.
Ulloq nalliuttorsiorfik naggaserlugu Qaqortup timersortarfissuani nerersuaqatigiittoqarpoq. Innovation South Greenlandip pisortaa Miki Jensen inooqataalu, ullormi siusinnerusukkut kommunip allaffiani katittut, nerersuaqatigiinneq naggaserlugu valserput.
Utaqqineqarsimaqisoq: Qaqortup mittarfiata oqaluttuarisaanerani timmsiartoq siuilleq qangattarpoq, illoqarfimmullu nunallu immikkoortuanut kujataanut ullut nutaat aallartinnerat nalliussillugu.
narsarsuaq qaqortoq inuiaqatigiit

Atorfiit tamaasa takukkit

PODCASTI

Se alle jobs

Powered by Labrador CMS