Nathanielsen Sulisitsisut ataatsimeeqatigereerlugit:
- Nunanit tamalaanit ukkatarineqarnerulerneq periarfissanut atorneqassaaq
ningaasaliinerit paasiuminartumik akisussaassusilimmillu atugassaqartitsilluni, nunatsinni inatsisit najukkanilu innuttaasut ataqqillugit ingerlanneqarpata, taakkua ammaffigaagut, inuussutissarsiornermut naalakkersuisoq Naaja H. Nathanielsen inuussutissarsiortunik ataatsimeeqateqareerluni oqarpoq.
- Nunanit tamalaanit ukkatarineqarnerulernerput atorluassavarput, tamannalu ataasiakkaatigut periarfissanut atussallutigu. Nunarput patajaassuseqarnerpullu aammalu periarfissagut sakkortuumik upperaagut, Naaja H. Nathanielsen oqarpoq.
Assi: Oscar Scott Carl
USA-p Kalaallit Nunaannut tatisinerata nalaani inuussutissarsiornermut naalakkersuisoq Naaja H. Nathanielsen (IA) inuussutissarsiortut aqutsisui sapaatip-akunnerata siuliani tallimanngornermi ataatsimeeqatigai.
Nuannersortai ukkatarineqartut Naalakkersuisut tusagassiuutitigut nalunaarummi erseqqissaapput – tassa avatangiisit Kalaallit Nunaanut malinnaalerput, maannamullu ajortumik sunniuteqarsimanngitsoq nalilerneqarluni.
Naaja H. Nathanielsenip inuussutissarsiortut qutsavigalugit pissutsit atorluarneqarsinnaasut oqarpoq:
- Aningaasaliinerit ammaffigaagut
Inuussutissarsiortut naalakkersuisullu aningaasaliinernut aammalu Kalaallit Nunaanni inuussutissarsiortuni aningaasaqarnikkut ingerlatanut tunngatillugu toqqissisimanngitsoqarneranut takussutissaqannginnera toqqissisimanartutut isigigaat taanna oqarpoq:
- Aningaasaliinerit paasiuminartumik akisussaassusilimmillu atugassaqartitsilluni, nunatsinni inatsisit najukkanilu innuttaasut ataqqillugit ingerlanneqarpata, taakkua ammaffigaagu, Nathanielsen oqarpoq.
Christian Keldsen, Grønlands Erhverv-imi pisortaq, ataatsimiinnermi peqataasut ilagaat. Taassuma oqaatigaa piffissaq eqqorlugu iliuuseqarneq sapaatip-akunnerini kingullerni ajornartorsiutinik qaangiinissamut periarfissiimmat:
- Kalaallit Nunaanni inuussutissarsiortut allanngoriartortitsinissaq piareersimaffigaat, aammalu oqartussat inuussutissarsiortullu akornanni oqaloqatigiinnermi piffissaagallartillugu peqqissaartumik ingerlanermi sapaatit akunnerini kingullerni oqariartuutigineqartartut pineranni aqutsisoqarsinnaasimavoq. Tamanna pisut sapinngisamik pitsaanerpaamik atorluarnissaannut tunngavissaqalersitsivoq sulisutsinnilu eqqissisimatitsilluni, Christian Keldsen oqarpoq.
USA-p præsidentiata Donald Trumpip Kalaallit Nunaata tiguarniarsarineranut sakkutuulersorniarani sapaatip-akunnerata siuliani oqaatigimmagu pissutsit qasukkarput. Aanna USA-p Kalaallit Nunaanni siunissami periarfissai pillugit aqqutit eqqortut atorlugit oqaloqatigiissutiginissai oqaatigaa.
