Norskit kunngikkormiuisa kong Harald oqaluffimmi ulikkaaqqasumi eqqaaniaraat

Norskit kunngikkormiui Norgip kunngia nutaaq, kong Haakon, siuttoralugu sapaammi ullaap tungaa kong Harald eqqaaniarlugu oqaluffimmi ulikaavissimasumi naalagiaqatigiipput.

Taamaalilluni Askerimi Oslop kujammut kitaaniittumi domkirke naalagianik ulikkaarluinnaqqavoq.

Naalagiariat 500-t oqaluffiup saavani siuleriissimasut naalagiarnermi sapaammi nalunaaqutaq aqqanernut aallartittumi inissarsinngitsoorput.

Taama politiit Norgimi tusagassiorfimmut VG-mut nalunaarput.

Asker Kirkemi naalagiarnissaq sioqqullugu kong Harald, tallimanngormat ullaakkut toqusoq, pillugu aliasunnermi naalagiarnerit qulit nunami domkirkeni sinneruttuni aamma ingerlanneqarput.

Norgip ministeriunera, Jonas Gahr Støre, Stortingimi siulittaasoq Masud Gharahkhani norskillu naalakkersuisunit sinniisut allat peqatigalugit Oslomi Domkirkemi aliasunnermi naalagiarnermi peqataapput.

Oslomi aliasunnermi naalagiarneq toqqaannartumik isiginnaarutikkut allakaatinneqarpoq, kunngikkormiulli ilaqutariit naalagiarnermi peqataaffigisaani assit taamaallaat ilanngunneqarput.

Biskopi Sunniva Gylver Oslomi Domkirkemi naalagiartitsisuuvoq.

Naalagiarneq domprovstimit Pål Kristian Balstadimit aallarnerneqarpoq.

- Sapaat manna allaaneruvoq. Ataqqinartorsioq kong Harald toquvoq. Ilaqutariit uertik, ataatartik, aatartik sakertillu annaavaat. Taakku aliasunneranni eqqasaativut taakkunaniitippavut. Kunngi inuppalaartoq annaavarput, aallarniilluni taama oqaaseqarpoq.

Nunami piffini arlalinni ullaarnaniit arlallit oqaluffimmi inissarsinissartik neriuutigalugu oqaluffiit saavannut takkussimapput.

Norskit tusagassiorfiisa inuit untritilikkaat Oslo Domkirkep Asker Kirkellu saavani siuleriittut oqaluttuaraat, siulliillu ullaakkut nalunaaqutaq arfineq pingasunulli takkuttut oqaatigaaat.

Oslo Domkirki, biskopip Sunniva Gylver aliasunnermi naalagiartitsivigisaa, oqaluffiuvoq kong Haraldip dronning Sonjallu ukiut 58-t matuma siorna katiffigisaat.

Arfininngornermi – kong Haraldip toqunerata aqaguani – katiffissiorput. Tamannalumi biskopip naalagiartitsinermini ilannguppaa.

- Ukiut 58-t matuma siorna uanerpiaq immissinnut angerfigeqatigiippusi. Ukiut qulingiluat uteriillusi asanninnersi sorsuutigereerlugu nuannaaqalusi. Ullumikkut maani oqaluffinnilu kiisalu isiginnaarutini aliasunnermi naalagiaqatigiinnermi katersuuppugut.

- kong Harald V-p toqunera aliasuutigalugu maaniippugut. Eqqaaniaaniarluta, ataqqinninniarluta avitseqateqarniarlutalu. Erinarsorniarlunga, qinuniarluta, naalaarniarluta naneruummillu ikitsiniarluta. Peqatigiillutalu nipaallisimaaqatigiinniarluta, NTB naapertorlugu Sunniva Gylver oqarpoq.