Nukappiaraq sisooraarutinik ajutoornermi ajoquserpoq — angut ammoniakimik aniasoqarnerata kingorna napparsimmaviliaanneqartoq

Blue Waterimi Nuummi ammoniakimik aniasoqarnerata kingorna ippassaq inuk ataaseq, ajoquserpoq sulilu Nuummi napparsimmavimmi uninngalluni.

Taama pigaartut pisortaat Jeppe Andsager Sermitsiamut pingasunngornermi ullaakkut oqarpoq.

Pigaartut pisortaat naapertorlugu inuit pingasut aniasoqarnerata kingorna napparsimmavimmi, misissorneqarput. Ataaseq ajoquserpoq sulilu uninngalluni. Pisoq pillugu politiit marlunngornermi nalunaaqutaq 09.17 nalunaarfigineqarput.

Jeppe Andsager nangilluni oqaluttuarpoq isateraluni piiaasoqarnerani anisoqarnera aallartittoq, tassani sanasut tanki imaqanngitsuusussaagaluaq kuuffia pitattorpaat. Imaqanngitsussaagaluarli imaqarpoq, taamaasilluni aniasoorneq aallartippoq.

Qatserisartut kuuffik saviminiusoq aniatitsineq unitsinniarlugu muffemik asserpaat.

Suliffimmi ajutoortoqarsimammat aamma suliffeqarnermut nakkutilliisoqarfik maanna akuliusimavoq.

Qasigiannguani aqqusinermi ajutoortoqartoq

Aammattaaq Qasigiannguani aqqusinermi ajutoortoqarneranik politiit marlunngornermi nal. 12.30 nalunaarfigineqarput.

Poul Hansensvejimi T sangusariaani ajutoortoqarnerani nukappiaqqat qulinik ukiullit marluk sisooraarutinik sisoraartillutik biilinik aporneqarput. Angut 40-t sinnerlugit ukiulik biilinik aporsisuuvoq.

Nukappiaqqap aappaa arlaleriarluni napisoq qaratsamigullu sajuppillattoq, katsorsarneqarnissaalu siunertaralugu nuummut unitsinneqassasoq marlunngornermi nalunaarutigineqartoq, pigaartut pisortaat oqaluttuarpoq.

Politiit naapertorlugit nukappiaqqap aappaa ajoqusersimanngilaq.

Ajutoornermi qanoq pisoqarsimanersoq politiit suli misissuiffigaat.