KL

DK

Nutartigaq: Nuummi aqqusinermi ajutoornermi imigassartorsimalluni biilertoqarsimaneranik pasitsaassisoqartoq

Biilit Nuummi qullersuarmut tallimanngornermi aporput.

Nuummi angallannermi ajutoorneq.
Thomas Munk Veirum Tusagassiortoq
Saqqummersinneqarpoq

Biilit Nuummi tallimanngornermi ullaap tungaani qullersuarmut sakkortuumik aporsimarpasimmata politiit, qatserisartut ambulancellu ornigupput.

Eqalugalinnguit kaajallattariaa qaangilaarlugu illoqarfiup tungaanut aqqummi ammukajaajusumi ajutoorneq nal. qulingiluat missaanni pivoq.

Annaassiniartartut biilillu ajutoortut aqqusinermi tassaniinnerat biilinik tunuleriaattoqalerneranik kinguneqarpoq.

Biilit ajutoortut ataasiinnaasut, aqqusinermilu angallanneq politiinit aqunneqartoq pigaartut pisortaata Malik Olesenip Sermitsiamut oqaatigaa.

Nutartigaq nal. 10.50

Politiit ajutoorfiusumi suliaqarnerat naammassisoq pigaartut pisortaat Malik Olesen paasissutissiivoq.

Biilit ataatsit kisimik ajutoorsimasut politiinit nalilerneqarput, aamma biilinik ajutoortunik aquttoq imigassartorsimalluni biilersimasutut unnerluutigineqartoq pigaartut pisortaata oqaatigaa.

biilit ajutoornerat inuiaqatigiit eqalugalinnguit kaajallattariaa qatserisartut nuuk politiit

Atorfiit tamaasa takukkit

PODCASTI

Powered by Labrador CMS