KL

DK

Nuummi ammoniakimik aniasoqartoq

Qatserisartut aniasoqarnera aquppaat. Kalaallit Nunaanni Politiit kajumissaaripput igalaat matoqqatinneqassasut, timikkullu iluaalliortoqarpat napparsimmavimmut saaffiginneqqullugit.

Qatserisartut politiillu Blue Water Greenlandip eqqaaniipput.
Hanna Hviid Hanna Hviid Tusagassiortoq
Saqqummersinneqarpoq

Nuummi Stark aamma Blue Water Greenlandip eqqaani ammoniakimik aniasoqartoq, Kalaallit Nunaanni Politiit ullumi nalunaaqutaq 09.17 nalunaarfigineqarput.

Qatserisartut politiillu sumiiffimmut ornigupput, tassanilu aniasoqarnera paasivaat. Taama pigaartut pisortaat Malik Olesen Sermitsiamut oqarpoq.

Qatserisartut aniasoorneq aquppaat sulilu suliaqarfigalugu. Putorsuaq, nermallagiaq umiarsualiviullu tungaanut aqqut tamakkerlugu assersorneqarpoq.

- Isumannaallisaaneq pissutigalugu inuit kajumissaarpavut igalaatik matoqqatissagai, timikkullu iluaalliuteqaraanni napparsimmavimmut saaffiginneqqullugit, pigaartut pisortaat oqarpoq.

Taanna naapertorlugu inuit marluk napparsimmaviliaanneqarsimapput, politiilli taakku qanoq innersut ilisimanngilaat.

ammoniak inuiaqatigiit stark nuuk qatserisartut kalaallit nunaanni politiit

Atorfiit tamaasa takukkit

PODCASTI

Powered by Labrador CMS