KL

DK

Nuummi ikuallattoqartoq: Inissiaq inuerutinneqarallarpoq

Nuummi inissiami pingasunngornermi ikuallattoqarpoq. Ikuallattoq siaruaassimanngilaq, qaminneqareerlunilu. Inuit tallimat qimagussuunneqarput.

Kalaallit Nunaanni Politiit nalunaarutigineqartut misissuiffigaat.
Hanna Hviid Hanna Hviid Tusagassiortoq
Saqqummersinneqarpoq

Nuummi Svend Jungep Aqqutaani inissiami pingasunngornermi ikuallattoqarpoq. Politiinut nalunaartoqarpoq nal. 13.07.

Kalaallit Nunaannit Politiini pigaartut pisortaat Aqqalu Petersen Sermitsiarmut taama ilisimatitsivoq.

Ikuallattoq inissiami aallartippoq, inersimasut marluk meeqqallu pingasut sumiiffimmit qimagussuunneqarsimapput. Ikuallanneq siaruaatsinnagu qaminneqarsimavoq.

Inissianit qimagussuunneqartut ilaat Dronning Ingridip Napparsimmavissuanukaanneqarput putsumillu najuussuivallaarsimanersut misissorneqarlutik, annerusumilli ajoqusertoqarsimanngilaq.

Politiit suli ilisimanngilaat suna ikuallannermut pissutaanersoq, misissuisoqassaarli.

Inissiaq maanna inuerunneqarallartoq, najugaqartullu allamut inissinneqartut, pigaartut pisortaat oqarpoq.

Kalaallit Nunaanni politiit nuuk ikuallanneq inuiaqatigiit

Atorfiit tamaasa takukkit

PODCASTI

Powered by Labrador CMS