KL

DK

Nuummiit timmisartuussinissat arlallit anorersuartoqarnissaanik aallerisaaruteqartoqarnera pissutigalugu taamaatinneqartut

Nuummiit nunatta iluani timmisartuussinerit pingasunngornermi ullaakkut taamaatiinnarneqartut, Air Greenland ilisimatitsivoq.

Morten Okkels Morten Okkels Tusagassiortoq
Saqqummersinneqarpoq

Anorersuarnissaa pingasunngornermi ullaakkut aarlerisaarutigineqarpoq. Tamannalu Nuummiit nunap iluani timmisartuussinerit siusissukkut ingerlanneqartussat unitsinneqarneranik kinguneqarpoq.

– Inuttat qasuersaarnissamut maleruagassaat malinneqartariaqarmata, kinguartitsisoqarnissaanut periarfissaqanngilaq , Air Greenland allappoq.

Timmisartut ilaat pingasunngornermi ualikkut pilersaarutit malillugit aallarsinnaapput, kinguaattoortoqarsinnaallunili.

Akunnittarfinni inissat killeqarmata, angalanermi eqqugaasut tamarmik unnuiffissanik neqeroorfigineqarsinnaanngitsut, Air Greenlandip erseqqissarpaa.

nuuk unitsinneqartut timmisartuussinerit inuiaqatigiit air greenland anorersuarnissaa

Atorfiit tamaasa takukkit

PODCASTI

Powered by Labrador CMS