Nuup avannaani seqqortoqartoq – politiit ornigupput

Sapaammi ualikkut inuk Nuup avannaata tungaani kangerluup qinnguani seqqorpaluttumik tusarpoq. 

Nalunaarutiginninneq nalunaaqutaq 13.49 pivoq. Inuit pisuttarfiup aallartiffiani biilit unittarfianniittut quleriarluni seqqorpallattoqartoq tusarpaat. Nalunaarutiginnittup kikkut seqqorsimanersut takusinnaasimanngilaa.

Politiit politiinik sungaartunik aaqanngitsulinnik piffimmukartitsipput.

– Inunnik seqqortaarsimasunik suli nassaanngilagut. Sulili pineqartup nassaarinissaa neriuutigaarput, piffissarli ingerlatillugu nassaarnissamik neriunneq soorunami annikilliartorpoq, pigaartut pisortaat Karsten Høyrup Kristensen oqarpoq.

Aallaammik ooqattaasartoqarnera ilimagineqarpoq.

– Aallaavittut najugaqarfimmit 500 meterinik ungasitsigisumi aallaammik seqqortaarnissaq inerteqqutaanngilaq, pigaartut pisortaat oqarpoq.

– Taamaaliussagaannili seqqortaarfiup nalaata inoqannginnissaa qulakkeersimasariaqarpoq. Inuit pisuttut akornanni seqqortaartoqarsinnaanngilaq.

Nalunaaqutaq 15.30 suli politiit toqqissisimatitsiniarlutik biilit unittarfianni najuupput.

Politiit inuk seqqortaarsimasoq allalluunniit pineqartoq pillugu paasissutissaatillit tusarfigerusuppaat.