KL

DK

Parnûnap ullua

Nunani avannarlerni spejderit tammaarsimaarfigisartagaasa annersaanni, Roskildep eqqaaniittumi, spejderinit 30.000-init peqataaffigineqartumi Erfalasorput eqqunneqarmat ersaattaattorpassuupput.

Parnûna Motzfeldt Olsen ullormi erfalasulisaarluni ingerlaaqatigiinnissaq sioqqullugu katippoq, taamaammallu katissutini kiinnaminut assiaqut atorpaa.
Jesper Hansen Jesper Hansen freelance tusagassiortoq
Saqqummersinneqarpoq

Spejderit ingerlatsisuanut 25-nik ukiulimmut Parnûna Motzfeldt Olsenimut, Nuummi Spejderineersoq, sapaat juulip 19-iat immikkorluinnaq ippoq. Naatsumik oqaatigalugu, ulloq puigunaatsuuvoq.

Tassuma Danmarkimi Roskildep eqqaani Hedelandimi Spejderit tammaarsimaarfianni nalliuttorsiorpalaartumik alutornartumillu unnukkut ammaanersiornermi, spejderit 30.000-it akornanni, Erfalasorput tigummiarpaa. Tammaarsimaarfik spejderit nunanit avannarlerneersut naapittarfiisa annersaraat. Peqataasut amerlanerpaartaat qallunaajupput, spejderilli 3.000-it missaanniittut nunanit allaneersuupput.

Spejderit ingerlatsisuanut 25-nik ukiulimmut Parnûna Motzfeldt Olsenimut, Nuummi Spejderineersoq, sapaat juulip 19-iat immikkorluinnaq ippoq. Naatsumik oqaatigalugu, ulloq puigunaatsuuvoq.

Tassuma Danmarkimi Roskildep eqqaani Hedelandimi Spejderit tammaarsimaarfianni nalliuttorsiorpalaartumik alutornartumillu unnukkut ammaanersiornermi, spejderit 30.000-it akornanni, Erfalasorput tigummiarpaa. Tammaarsimaarfik spejderit nunanit avannarlerneersut naapittarfiisa annersaraat. Peqataasut amerlanerpaartaat qallunaajupput, spejderilli 3.000-it missaanniittut nunanit allaneersuupput.

- Misigisaq nuannerlunilu tupaallannarpoq. Kalaallit Nunaat oqaluttarfimmit taaneqarmat spejderinit nipituumik ersaattaanneqarpoq. Soorluttaaq ingerlaaqatigiinneq qallunaat erfalasuannik naggaserneqarmat taama pisoqartoq. Killitsinnaqaaq, Parnûna oqaluttuarpoq.

Sisorartarfimmi ikumaartitsineq

Ammaanersiornermi ikumaartitassaq Hedelandip qaqqaata qaavani ikinneqarpoq, tassani spejderit amerlasuut nunami sanileriiaarlutik issiapput. Nunarsuaq tamakkerlugu spejderit erfalasuat saarlersaatillugu, nunallu allat erfalasui malinnaasoralugit Dannebrogilu kingulliutillugu ammaanersiorneq naggaserlugu ingerlaaqatigiittoqarpoq.

Erfalasulisaarluni ingerlaaqatigiinnermi Erfalasorput Finlandip erfalasuata Savalimmiullu erfalasuata akornanniippoq.

Erfalasulisaarluni ingerlaaqatigiinneq aaqqissuussaalluarpoq. Spejderit isiginnaartut qeqqasigut erfalasulisaarlutik inissaminnukaapput. Ataasiakkaarlutillu oqaluttarfiup qaanukarsinnarlutik saavanut aqqarput, erfalasut isiginnaartunut nittarsaanneqarlutik.

- Sungiusarnermut sapaatip ullua annerpaaq atorparput. Pingasoriarluta ullaap tungaani ualineranilu sungiusarpugut. Naggataarutaasumillu misiliinnginnitsinni akunnialuit unillatsiarpugut, Parnûna oqarpoq.

Spejderitut katinneq

Unillatsiarneq Parnûnamut immikkuullarissuuvoq, tassami asasani Malik Dollerup-Scheibel, Nuummi Spejderit siulersuisuini ilaasortaq, spejderisut katippaa.

- Pissutissaalluarpoq, tassami qaammatit qulit matuma siorna aappariilerpugut – angalanermilu aamma sakikka, katinnissatsinnut kaagiliortut, siullerpaamik naapippakka.

Nunani Avannarlerni spejderit tammaarsimaarfigisartagaata annersaanni, peqataasut 30.000-it saavanni, Parnûna Motzfeldt Olsenip Erfalasorput qullarmagu, Nuummi Spejderit 34-t peqataapput.

Simon Borgert Olsen Nuummi Spejderineersoq katititsivoq.

Spejderisut katinneq inatsisitigut pituttorfiunngilaq, ilumoortumilli katittussaassallutik. Spejderitulli katinnerit siunertap ilumoortup ersersinnissaanut periarfissaalluarput – spejderiusunilu nunarsuaq tamakkerlugu 60 millioninik ilaasortaqartuni taama iliortoqartarpoq. Spejderisut katinneq aappariit siunertaannik naqissusiisuuvoq, aamma spejderit tammaarsimaarneranni sammisat assigiinngitsorpassuit akornanni kaagillernissamut tamanna periarfissaalluarpoq.

Parnûna Malillu aappariittut maanna inuulerput, katinnerminnulli atatillugu angalassanngillat.

- Spejderit tammaarsimaarfianniippugut. Tamannalu katerlaatut angalanertut nuannernerpaavoq.

- Malik tasioriartorlugu ornilerpara, ullumi kaatikkaluarlu takorpiannginnatta – eqimattat ikumaartitsiviata eqqaanut kaffisoriassaagut seqinerlu tarrikkiartortoq nipaassuup ataani isiginnaarujuussallugu. Soorluttaaq spejderit tamanna aamma nuannarisaraat.

Kalaallit erfalasuat maluginiarneqarluarpoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

erfalasorput inuiaqatigiit spejdercamp parnûna motzfeldt olsen roskilde nuummi spejderit

Atorfiit tamaasa takukkit

PODCASTI

Powered by Labrador CMS