Pasinartumik toqusoqarsimasoq: 35-nik ukiulik ulluni 27-ni tigummigallagaavoq

Toqusoqarneranut atatillugu angut 35-nik ukiulik ulluni 27-ni tigummigallarneqarpoq. Arnap 49-nik ukiullip toqusimaneranut atatillugu politiit suliami paasiniaapput.

Angut pasinartumik toqusoqarneranut atatillugu politiit paasiniaaneranni tigummigallarneqartussanngorpoq.

Foto: Oscar Scott Carl

KASSAALUK KRISTENSEN KASSAALUK KRISTENSEN KASSAALUK KRISTENSEN Digitalimik aaqqissuisoq

Saqqummersinneqarpoq 12. Novembari 2025 - 18:44

Annonse

Angut 35-nik ukiulik Qaqortup eqqaani Eqalugaarsunni pasinartumik toqusoqarneranut atatillugu tigummigallarneqarpoq.

Kalaallit Nunaanni Politiit pingasunngornermi unnukkut tusagassiuutinut taama nalunaaruteqarput.

Kalaallit Nunaanni Politiit marlunngornermi nalunaaqutaq 10.52 Qaqortup eqqaani nunaqarfimmi ernumasoqartoq nalunaarfigineqarsimapput. Nalunaaruteqarnerup kingorna politiit najukkamukarput, arnarlu 49-nik ukiulik toqungasoq nassaarineqarluni. Ilaqutaasut kalerrinneqarsimasut, politiit paasissutissiipput.

- Angut 35-nik ukiulik toqutsisimasutut tigusarineqarpoq unnerluutigineqarlunilu. Angut 35-nik ukiulik ullumi pingasunngornermi novembarip 12-ani 2025 Kujallermi Eqqartuussivimmi tunngaviusumik inatsit naapertorlugu killisiorneqarpoq, tassanilu ulluni 27-ni tigummigallarneqartussanngorpoq. Aalajangiineq suliareqqitassanngortippaa, Kalaallit Nunaanni Politiit ilisimatitsipput.

Politiit suli nunaqarfimmiipput, pinerluttoqarsimatillugu misissuisartut toqusut timaannik misissueqqissaartartut Danmarkimit aggersarneqarput misissuinermi ikiuukkiartortussanngorlutik.

Kalaallit Nunaanni Politiit pisumi annertunerusumik oqaaseqarsinnaanngillat.