Pele Broberg KNR pillugu maalaaruteqarnermini akuerineqartoq

Pele Brobergip 2026-mi apriilip 20-ani allaaserineqarnera pissutigalugu Kalaallit Nunaanni Tusagassiuutinut Ataatsimiititaliap KNR arlalitsigut isornartorsiorpaa. Tamanna Naleqqami siulittaasup nammineq maalaaruteqarsimanerata kingorna pivoq.

Ataatsimiititaliaq naapertorlugu KNR-ip Pele Broberg pillugu paasissutissat eqqunngitsut tusagassiuutileqatigiiffiup Reutersip allaaserisaanit issuaaviit ilanngussimasani saqqummiuppai.

Pele Brobergip Amerikamiup niuertup Drew Hornip Kalaallit Nunaanni sunniuteqarniarnera ilumuunnginneraraa KNR-imi allassimavoq.

Pele Brobergip pisut pillugit nammineq isumakuluuteqarnini oqaatigiinnarmagu tamanna uppernarsarneqarsinnaanngitsoq tusagassiuutinut ataatsimiititaliaq inerniliivoq.

Tusagassiuutinut ataatsimiititaliaq Pele Brobergip Drew Hornimut attaveqarnera pillugu KNR-ip paasissutissanik amerlanerusunik saqqummiussisimannginnera isornartorsiugassaasoq aammattaaq isumaqarpoq. Taamaammat ataatsimiititaliaq tamanna pillugu aamma isornartorsiuivoq.

KNR-ip maanna aalajangiineq ataatsimiititaliap isornartorsiuinera pissutigalugu nittartakkamini radioaviisimilu saqqummiuppaa.