Lise Mørup Dalsgaard Grønlandsbankenimi aningaasatigut peqquserluutinik malunnarunnaarsaanermik akiuiniarnermut pisortaavoq, tassa AML-chefiuvoq.
AML tassaavoq tuluttut anti-money laundering, Grønlandsbankenimilu aningaasatigut peqquserluutinik malunnarunnaarsaanermik akiuineq taassuma suleqataasalu akisussaaffigaat. Atuisut aningaaserivimmi kontoini nikingassutit ileqqullu ilaatigut nakkutiginerisigut taamaaliortarput.
Lise Mørup Dalsgaard Grønlandsbankenimi aningaasatigut peqquserluutinik malunnarunnaarsaanermik akiuiniarnermut pisortaavoq, tassa AML-chefiuvoq.
AML tassaavoq tuluttut anti-money laundering, Grønlandsbankenimilu aningaasatigut peqquserluutinik malunnarunnaarsaanermik akiuineq taassuma suleqataasalu akisussaaffigaat. Atuisut aningaaserivimmi kontoini nikingassutit ileqqullu ilaatigut nakkutiginerisigut taamaaliortarput.
- Aningaasat nuussinerit ilaat atuisup aningaaserivimmut paasissutissaanut naapertuutinngitsut ilaatigut paasisinnaavarput.
Peqquserlunneq pillugu nalunaarutit
Grønlandimi politiit peqquserlunneq pillugu, tassa peqquserlulluni pisuussutinik tigusineq, atornerluineq, sinniisinnaatitaalluni peqquserlunneq il.il. pillugit nalunaarutinik ima amerlatigisunik tigusaqarsimapput:
2021: 201
2022: 224
2023: 332
2024: 316
2025: 255
Paasissutissarsiffik: Kalaallit Nunaanni politiit ukiumoortumik kisitsisaat 2025
Assersuutigalugu nunamut allamut, aningaaserivimmit ilisimaneqanngitsumut, aningaasanik nuussisoqartaleriataarsinnaavoq.
- Taava atuisoq suna pineqarnersoq aperisarparput.
Amerlanertigut nassuiaatissaqarluartarpoq, Lise Mørup Dalsgaard oqarpoq. Ilaannikkulli atuisup kontomini qanoq ingerlasoqarnera nalulluinnartarpaa.
Taava sullitaq immaqa peqquserluffigineqarsimavoq, aningaaserivimmilu siunnersortip inuullu isumalluarluni iliuuseqarsimagunartup imaluunniit peqquserluttuliorfigineqarsimasup oqaloqatigiinnissaat ajornakusoortoq tullinnguutissaaq.
Aningaaseriviup akiliutit Ilaannikkut unitsissinnaasarpai.
- Taava ullormut angusaqarluartoqarsimassaaq, Lise Mørup Dalsgaard, inatsisilerisutut ilinniagaqarsimasoq Inuillu Pisinnaatitaaffii pillugit Kalaallit Nunaanni Siunnersuisoqatigiinni ilaasortaasimasoq, oqarpoq.
Lise Mørup Dalsgaardip unillatsiarnissatsinnut, eqqumaffiginninnissatsinnut peqquserluttoqannginnissaanullu aperisarnissamut kajumissaarpaatigut.
Assi: Emil Stach
Taamaattuaannanngilarli.
- Peqquserlunneq nutaaq paasigaangakku tamanna atuisumut uggornarlunilu ajuusaarnartuusoq eqqarsartarpunga, taanna oqarpoq nangillunilu:
- Peqquserluttuliornerit assigiit paaseqattaaleraangakkit Kalaallit Nunaat taamatut peqquserluffissatut toqqarneqarsimasoq isumaqalertarpunga.
Taamaammat Lise Mørup Dalsgaardip kissaateqarpoq. Peqquserlunnerit pillugit oqaloqatigiinnerulernissarput kissaatigaa - ingammik peqquserluffigineqarsimagutta.
Peqquserlunnermut assersuutit
Pisiariumaneqartumik tuniniagaqarputit. Pisipallakkusullutik akisuninngorlugu pisiariumallugu neqeroorput. Tamanna aningaasatigut peqquserlunnermik malunnarunnaarsaataasinnaavoq.
Suliffeqarfik Facebookimi quppernermi neqerooruteqarpoq. Pileritsaassillutit pisereersutut susoqaqqinngilaq. Suliffeqarfik pisortatigoortumik attavissakkut saaffigigakku Facebookimi qupperneq ilumuunngitsuusoq paasivat
Oqarasuaatit sianerpoq, tuniniaasullu aningaasaliinissamut periarfissatsialammik aningaaseriviit ilisimanngisaannik oqaluttuunniarpaatit. Aningaasat qanoq atorneqarnersut ilisimanagu aningaasaliillutit aallartipputit - aningaasallu peqquserluttup kaasarfianut pisimasut ullut ilaanni paasivat.
Sianiitsunut taamaallaat pineq ajortoq Tamatta mianersoqqussutit ilisimasariaqarigut Lise Mørup Dalsgaard isumaqarpoq Kikkulluunniimmi peqquserluffigineqarsinnaapput.
- Sianiitsunut taamaallaat pineq ajorpoq. Peqquserluttulli peqqusersuujupput, Lise Mørup Dalsgaard oqarpoq.
Peqquserluttut aaqqissuussaasumik iliuuseqakkajupput. Assersuutigalugu danskit oqarasuaatikkut peqquserluttuliortartut, tusagassiuutip TjekDet-ip siorna qulaajaaffigisai , danskit millionilinnik peqquserluuteqarfigisimavaat. Taakkua ilaat sisamat danskit 1100-t 32 millionit koruuninik peqquserluffigisimallugit ukioq manna juunimi Nykøbing Falsterimi eqqartuussivimmi pillagaapput. tamanna Danmarkip oqaluttuarisaanerani attaveqaatitigut peqquserluutinik suliat annersaattut politiinit taaneqarpoq.
Immaqa taamatut pisoqartarnera tusarnikuusimassavat. Inuit ilaat allaasuusaarlutik sianertarput taamaalillutillu inuit allat kontoannut isersinnaalertarlutik. Assersuutigalugu aningaaserivimmeersuunerarsinnaallutillu, politiiineersuunerarlutillu imaluunniit MitID-meersuunerarsinnaapput.
Eqqarsaatigigaanni immaqa peqquserluttoqarnera ersarippoq.
Peqquserluttulli inuttut attaveqatigiinnermi nuannernerpaaq atornerluttarpaat — tassa tatigeqatigiinneq.
- Pinerlunneruvoq inunnut ajortumik pinninnerullunilu tatigeqatigiinneq oqartussaasunillu tatiginninneq atornerlungaatsiarneqarsimappata pinerlineqartut killissaannik qaangiinerusoq.
Unnerluussisussaatitaasoq Lotte Mie Nielsen Sjællandip kujataani Lolland-Falsterimilu politiineersoq, Danmarkimi attaveqatigiinnermik peqquserluttoqarneranik suliaq oqaluttuarisaanermut ilannguttoq pillugu tusagassiutitigut nalunaarummi taama oqarpoq.
Qujanartumik Lise Mørup Dalsgaardip Grønlandsbankenimeersup mianersoqquinnanngilaatigut. Peqquserlunnermut qanoq ililluni eqqumaffiginnittoqarsinnaaneranik ilinniartissavaatigut.
Allanut oqaatigiuk
Grønlandsbankep peqquserlunneq akiorniarlugu siunnersuutai
Arlaata taamaaliortinniarsarippatit nuussinngisaannarit - MitID-it imaluunniit akiliutinni paasissutissaat allanut tunniutinngisaannakkit.
MitID-app-imi SMS-iminniluunniit akuersitinnak allassimasut atuaqqaartakkit.
E-mailikkut allakkani sms-iniluunniit nammineq noqqaassutigisimanngisanni tuugassat nalusatit toortaqinagit.
Qularnerit nalinginnaasoq tatigisaruk akuersitinnallu misissueqqissaartarit.
Internetikkut peqquserlunnerit pillugit ilaquttatit oqaloqatigikkit, aamma tamakkuninnga eqqumaffiginnittuarit.
Najoqqutaq: Grønlandsbanken
Sukkasuumik iliuuseqartariaqartugut ersiutit mianersuutassatta ilagaat. Taamaammat Lise Mørup Dalsgaard ima siunnersuivoq:
- Unillatsiarit, maluginiarlugulu aperigit.
Tamanna ajornaappalussinnaavoq, nukilli taanna sungiusartuartariaqarparput.
- Peqquserluttulioriaatsit ilaat unitsikkaanni peqquserluttuliortut allamik nassaarniartuaannarput.
Taamaammat Lise Mørup Dalgaardip siunnersuutaa pingaaruteqarnerpaaq tassaavoq peqquserluffigineqarsimagutta sapiilluta tamanna oqaluuserissagipput. Taamaalioruttami ilinniarfigeqatigiissinnaavugut.
- Peqquserluttut qanoq iliorsimanerannik oqaluttuarnikkut allat ikiortarpatit.
Immaqa allanit eqqartuukkumaneqarnak oqaluttuarinissaa merseralugu misigisimavutit. Taama misigisut qanoq oqarfigerusussavigit?
- Peqquserluttut periaatsiminnik nipituumik oqaluuserinninnginnissarput soqutigisarpaat, taamaaliorunik saassunneqariaannaassallutalu ilisimasaqannginnerput iluaqutigisinnaavaat, taanna oqarpoq nangillunilu:
- Peqquserluttut aaqqissuussaasumik iliuuseqartarput, taamaammat aamma uagut ataatsimoortariaqarpugut.
Aaqqissuisoqarfiup allaaserisap suliarineqarnerani Kalaallit Nunaanni Politiit attaveqarfigai. Taakku paasissutissanik pissarsinissamut peqataanissamullu periarfissaqarsimanngillat. Aaqqissuisoqarfiuttaaq Transparency International Greenland saaffigaa, taakkuli killiliussaq sioqqullugu akisimanngillat.
