Pigaartut pisortaata mattaarniarluni peqquserluttuliornerit mianersoqqussutigigai

Politiit marlunngornermi ima kajumissaaruteqarput:

Mattassillutit aningaasanik nuussitinnak inuit attaveqatigiittarfiini quppernerit misissoqqissaartarnissaat pingaaruteqarpoq.

Politiini pigaartoq Hans-Peter Berthelsen taama oqarpoq, taannalu mattannut tunngatillugu peqquserlunnermik nalunaarutinik amerlasuunik politiit ukiut tamaasa piffissami tamatumani tigusaqartartut oqaluttuarpoq.

Pigaartut pisortaat naapertorlugu amerlanertigut inuit mattannik Facebookikkut pisigaluarlutik tigusimanngisaannartarpaat.

- Taamaammat nittartakkatigut attaveqatigiittarfinni qupperneq mattaarniarfiusoq tutsuiginartuunersoq misissorneqartariaqarpoq, Hans-Peter Berthelsen siunnersuivoq.