Polen-imi ministeriuneq pinerliinianit saassunniarneqarsimasinnaavoq

Polen-imi politiit paasissutissanik tunineqarsimapput Polenimi miniteriuneq, Donald Tusk, aammalu illersornissamut ministeri Wladyslaw Kosiniak-Kamysz pinerliinianit saassunniarlugit pilersaarusiortoqarsimasoq.

Nutaarsiassaqartitsivik AFP sapaammi taamak allappoq.

Polen-imi naalagaaffiup illersornissamut kiffartuussivianut (SOP) nalunaarummik tunniussisoqarsimavoq Tusk aamma Kosiniak-Kamysz, kingulleq ministeriunermut tullersortaajutigisoq pinerliiniat saassutissallugit piareersarsimasut.

Taamak ilisimatitsivoq Karolina Galecka, Polen-imi nunamut namminermut naalakkersuisoqarfiup oqaaseqartartua, tusagassiuutitigut nalunaarummi.

Politiit sinniisui, naalagaaffiup illersornissamut kiffartuussivia (SOP) aammalu isumannaallisaanermut kiffartuussivik sapaammi suliaq pillugu ataatsimiinnermi peqataapput.

Paasissutissat maannamut ilisimaneqartut tunngavigalugit saassussinissamut pilersaarusiorsimaneq pillugu ilisimatitsisoqanngilaq, taamatuttaaq pinerliinianik pasisaqartoqarsimanersoq aammalu saassussinissaq sumi pissanersoq pillugit avammut oqaaseqartoqanngilaq.

- Suliaq pimoorulluinnarlugu ingerlapparput, taamak oqartoq Jacek Dobrzynski, ministerip oqaaseqartartua aammalu naalagaaffiup paasiniaasartuinut akisussaasuusoq, AFP-mi allapput.

- Qaammammiit qaammammut, ukiumiit ukiumut politiit, SOP isumannaallisaanermullu kiffartuussivik sioorasaarutinik assigiinngitsunik aammalu nalunaarutinik sioorasaarinermut tunngasunik apuussivigineqartarput, Polen pillugu aamma polenimiut pillugit, taanna oqarpoq.

Taassuma ilanngullugu oqaatigaa, sioorasaarinerit matumani pineqartut piviusunngortinneqarnissaannut aarlerinartorsiorneq annertusimasoq.

Tusk 2023-mi Polen-ip ministeriuneratut uterpoq, ukiuni arlalinni inuiaqatigiissutsimik pingaartitsivallaartut qanganisarsiortullu, partii Lov og Retfærdighed (PiS) ukiuni arlalinni ministeriunerutitaqartareersut.

Taamatuttaaq Tusk Det Europæiske Råd-imi siulittaasutut inissisimasimavoq.

Tusk partiimi kiffaanngissutsimik pingaartitsisumi aammalu europamiut ataatsimoornissaannik pingaartitsisumi Borgerkoalitionen-imi, ilaatigut Borgerplatformen-imeersut, nammineq 2001-mi pilersitseqataaffigisaaneersut peqataaffigisaannik ataatsimoorfiusumi siulittaasuuvoq.

Polen-imi persuttaalluni pinerlunniartarneq ataatsimut isigalugu qaqutigoortuugaluartoq, nuna assorsuaq avissaartuuteqqalluni inissisimavoq, taamaammallu aamma sillimaniarnikkut sioorasaarutinik saqqummertoqqartarpoq, pingaartumik Ukrainemi sorsunnermut tunngatillugu qanitatut inissisimanini pillugu. Taamak allappoq nutaarsiassaqartitsivik Reuters.

Aggustimi angut 23-nik ukiulik tigusarineqarpoq, taanna unnerluutigineqarpoq Polen-imi politikerinik nuimasunik toqutsisoqarnissaanut kaammattuisimasutut.