Politiinit allagarsiat eqqunngitsut mianersorfigikkit
Pinerlunniat inunnut e-mailikkut allaakkatigut nassiussuillutik, tigusisoq meeqqanut kannguttaatsuliornermut tunngasunik peqartutut imalunniitt siammarterisimasutut pasineqartoq, aningaasanik akiliisitsiniarsaripput.
E-mailip politiineersuunera nalornissutigigaanni politiit attaveqarfigineqarsinnaajuaannarput.
Assi: Oscar Scott Carl
Innuttaasunit Interpol-Europolimit, Naalagaaffiup politiivinit aamma Naalagaaffiup politiivisa pisortaaniit saaffiginnissutinik allagarsisimasunik ernumassuteqartunik Kalaallit Nunaanni Politiit maannakkorpiaq saaffigineqaqattaarput.
POLITIIT MAILINUT SALLULIUUTINUT ILLERSORNISSAMUT SIUNNERSUUTAAT
1. Iliuuseqartitsiniarluni maili akinagulu nassiussisoq allaqatigilinngikkiuk. Maili nungutiinnaruk.
2. Iliuuseqartitsiniartoq aningaasanik piumasaqarpat akiligassaq akilissanngilat.
3. Qanigisatit oqaloqatigikkit. Taamaalillutit qulakkeerinneqataassaatit salloqittaanermut taakku pisaritissanngitsut.
E-mailimik allagarsisoq meeqqanut kannguttaatsuliornermut tunngasunik peqartutut siammarterisimasutulluunniit pasineqartoq allaqqavoq.
E-maililli taakku salluliuutaapput.
Kalaallit Nunaanni Politiit tusagassiuutitigut taama nalunaaruteqarput.
Akiliisitsiniaaneq
E-mailit pinerlunniartunit aningaasanik akiliisitsiniarsarisunit nassiussaapput. Taama ittumik allagarsigaanni peerneqassasut politiit kaammattuutigaat.
- Mailinik taamaattunik tigusaqarsimatilluni annilaangalertoqarsinnaanera ernumalertoqarsinnaaneralu paasilluarsinnaavarput, taamaammat una mianersoqqusissut kajumissaarinerlu qanigisannut siammarteruk, politiit allapput.
E-mailip politiineersuunera nalornissutigigaanni politiit attaveqarfigineqarsinnaajuaannarput.
Allakkat salluliuutit taama isikkoqarput.
