Politiit: Arnaq meeqqani najuutsillugit nakuuserfigineqartoq

Politiit poorskikkunni Nuummi sisoortoqarnerani inuit sisamat qamuteralannik angalasut ajutootut ulapputigaat, angut inuusuttoq ataaseq arfininngormat ajunaarpoq.

Poorskimili sapaatip-akunnerata naanerani pinerluttoqarpallaanngitsoq, politiit pigaartuat Aputsiaq Hansen ataasinngornermi oqarpoq

Kujataanili marloriarluni nakuusertoqarpoq.

Angutip arnaq unataraa isimmittarlugulu politiit ataasinngornermi ullaakkut nalunaarfigineqarput. Tamanna Nanortalimmi angerlarsimaffimmi pivoq.

Pisoq ilungersunarnerulerpoq meeqqat najuummata, taamaattumillu politiit isumaginninnermut oqartussaasut aamma akuliutsippaat, pigaartut pisortaat oqaluttuarpoq.

Qaqortumi angut arnamik niaquatigut tilluaasimasutut unnerluutigineqarpoq.