Politiit nalunaarutaat: Angut pinngitsaaliisimasutut tigusarineqartoq

Kalaallit Nunaanni Politiit ulloq unnuarlu nalunaarusiaanni, Ilulissani arnap arfininngornermi ullaakkut nalunaaqutaq 7.41 angut pinngitsaaliisimasutut nalunaarutigisimagaa oqaluttuarineqarpoq.

Politiit angut pineqartoq tigusaraat, taannalu sapaatip ingerlanerani inatsit tunngaviusoq malillugu eqqartuussivimmut sassartinneqassaaq.

Tamatuma saniatigut politiit sapaatip akunnerata uuma naanerani ajornartorsiutit imigassartorsimanermut tunngasut arlallit passukkaat, pigaartut pisortaata Jørgen Madsenip oqaluttuaraa.

Ilanngullugu tallimanngornerup arfininngornerullu akornanni unnuami Nuummi Blok M-p eqqaani ikuallatsitsinermik innuttaasut ilisimasaqarunik, saaffiginninnissamik qinnuigineqarput.