KL

DK

Qullissat eqqaanni annaassiniaaneq - umiatsiaq immakkiartortoq

Umiatsiaq immalluni aallartimmat, inuit tallimat SAR-imik annaassiniaanermi ataasinngornermi annanneqarput.

Umiatsiaq Qullissat eqqaanni immalluni aallartissimavoq. Ilaasut tamarmik ajunngillat.
KASSAALUK KRISTENSEN Digitalimik aaqqissuisoq
Saqqummersinneqarpoq

Politiit SAR-mik annaassiniaanermi ataasinngornermi ualikkut aallartitsipput.

Pisoq pillugu politiit ataasinngornermi juulip 13-ianni nalunaaqutaq 15.23 nalunaarfigineqarput, tamatumalu kingorna annaassiniarneq aallartinneqartoq, Kalaallit Nunaanni Politiit pigaartuisa pisortaat Jørgen Madsen Sermitsiamut ilisimatitsivoq.

- Umiatsiaq tallimanik ilaasoqartoq immalluni aallartissimavoq. Ilaasut umiatsiamit allamik aaneqarput, Jørgen Madsen oqaluttuarpoq.

Taakkunani pingasut napparsimmaviliaanneqarput

Ilaasut ajunngitsut, taakkunanili pingasut timaasa nilloriartupiloornerat pissutigalugu Ilulissani napparsimmaviliaanneqarsimasut, pigaartut pisortaat oqaluttuarpoq.

- Tamarmik ullumikkut ajunngillat, tamatumalu takutippaa annaassiniarneq ajunngitsumik inerneqarsimasoq, oqarpoq.

Umiatsiaq suminngaanneernersoq imaluunniit ingerlaarnermini sumi immalluni aallartissimanersoq nakkutilliisoqarfiup oqaatigisinnaanngilaa.

kalaallit nunaanni politiit qullissat inuiaqatigiit umiatsiaq annaassiniarneq ilulissat

Atorfiit tamaasa takukkit

PODCASTI

Powered by Labrador CMS