USA-mi
Inatsisartut
oqalliffik
“Greenland Caucus” 2025-mi marsimi pilersippaat,
tassanilu Republikaneri Warren Davidson Ohiomeersoq siulittaasuusoq
Republikanerilu Harriet Hageman Wyomingimeersoq siulittaasup
tulliulluni.
Greenland
Caucus-ip USA-p Kalaallit Nunaatalu aningaasaqarnermut,
aatsitassanut, attaveqaqatigiinnermut,
isumannaallisaanermut nunallu immikkoortuini politikkimut
tunngasutigut suleqatigiinnerisa
nukittorsarnissaat siunertaraa.
USA-mi
Inatsisartut
oqalliffik
“Greenland Caucus” 2025-mi marsimi pilersippaat,
tassanilu Republikaneri Warren Davidson Ohiomeersoq siulittaasuusoq
Republikanerilu Harriet Hageman Wyomingimeersoq siulittaasup
tulliulluni.
Greenland
Caucus-ip USA-p Kalaallit Nunaatalu aningaasaqarnermut,
aatsitassanut, attaveqaqatigiinnermut,
isumannaallisaanermut nunallu immikkoortuini politikkimut
tunngasutigut suleqatigiinnerisa
nukittorsarnissaat siunertaraa.
Caucus
tassaavoq USA-mi Inatsisartunut
ilaasortat
eqimattat aalajangersimasut soqutigisanut suliaqarfiat.
Nunanut allanut tunngasutigut politikkimik suliaqartartut
amerlanertigut Republikanerinit Demokraatinillu ilaasortaqartarput,
nunallu
suleqatigisatik oqaloqatigiisarlugit.
Billedtekst 2: USA-mit aallartitaasimasoq Carla Sands oqalliffimmi siunnersortaavoq, taassumalu USA-p issittumi inissisimaffianut Kalaallit Nunaata pingaaruteqarneranut sulilluarsimanera pillugu oqallittarfimmi ilaasortanit nersualaarneqarpoq.
Foto: US Department of State
Greenland
Caucusili
allaanerulluinnarpoq, tassanimi
ilaasortat
republikaneriinnaapput
Trumpip politikkianut attuumassuteqartut
— aamma Kalaallit Nunaannik
toqqaannartumik oqaloqateqarsimanersut ilisimaneqarani.
NUUMMI ATAATSIMIINNISSAQ
Permanent Committeemeersut – Pituffimmi
pissutsit pillugit amerikamiut kalaallillu sinniisoqarfianni –
aamma USA-p, Danmarkip Kalaallit Nunaatalu suleqatigiinnerulernissaat
pillugu Joint Committeemeersut Nuummut decembarimi
ataatsimiigiassasut præsidentip illorsuanit Politikenimut
uppernarsarneqarpoq.
Ataatsimiinnerit Kalaallit Nunaata USA-llu
paarlakaallutik aaqqissuussaat ukiut tamaasa ingerlanneqartartut
Nunanut allanut tunngasunut naalakkersuisup oqaatigaa.
Ataatsimiinnerlu kingulleq Washington DC-mi 2024-mi
ingerlanneqarluni.
Trumpip
politikkia
malillugu sulineq
Kalaallit
Nunaat pillugu oqallittarfimmi
(Greenland
Caucus,
aaqq.)
ilaasortat arlallit Amerikamiut Kalaallit Nunaanni
sunniuteqarnerunissaat siunertaralugu
suliniutinik
inatsisissatullu
siunnersuutinik
saqqummiussipput.
Andy Oglesip siunnersuutaa
oqallitsitsinerpaavoq,
tassaasoq
Make
Greenland Great Again Act,
Amerikamiut Kalaallit Nunaanni iliuuseqarnerunissaannut
peqataanerulernissaannullu periarfissiisoq.
Ataatsimiititaliamut
siunnersorti tassaavoq
USA-mit aallartitaasimasoq Carla Sands, taassumalu Kalaallit Nunaata
USA-p issittumi inissisimaffianut pingaaruteqarneranik
suliaqarsimaneranut
oqallittarfimmi
nersualaarneqaatigeqaa.
Kalaallit
Nunaat ataatsimeeqatigineqanngitsoq
Nunanut
Allanut Naalakkersuisup Amerikamiut Danmarkimi aallartitaannik
nutaamik ataatsimeeqateqarnissani suli utaqqigaa, Amerikamiut
Inatsisartuini
ilaasortat
Kalaallit Nunaat
pillugu aalajangiisartunik iliuusissanillu suliaqartunik
pilersitsipput – kalaallinit peqataaffigineqanngitsumik.
Trumpip
præsidentinngornerata kingorna Namminersorlutik Oqartussat USA-llu
naalakkersuisui ataatsimiissimanersut
avammut paasissutissiissutigineqarnikuunngilaq,
oqallittarfimilu
ilaasortat
toqqaannartumik attaveqarsimaneranut uppernarsaatissaqanngilaq.
Apersorneqarusunngillat
Sermitsiap
oqalliffiup
siulittaasua Warren Davidson apersorumallugu
saaffigaa. Oqalliffiulli sulinera
pillugu maannakkut apersuisoqarsinnaanngitsoq taassuma
atorfilittaasa pisortaanit paasissutissiissutigineqarpoq.
