Rusland: Ukrainep NATO-mut ilaasortanngorsinnaanera USA-p ataatsimeeqatiginerani pingaarnersaavoq

USA-p Ruslandillu Moskvami isumaqatigiinniarneranni Ukrainep Natomut ilaasortanngornissaa "pingaaruteqartutut“ inissisimavoq.

Ruslandip præsidentiata Vladimir Putinip nunanut allanut tunngasunut siunnersortaa Jurij Ushakov oqarpoq.

Nutaarsiassaqartitsivik AFP allappoq.

USA-mit aallartitat Ukrainemi ukiuni sisamangajanni sorsunnerup unitsinnissaanut pilersaarut Amerikamiut siunnersuutaat pillugu nalunaaquttap akunneri arlallit ataatsimiigiarlutik Ruslandip illoqarfiisa pingaarnersaanniipput.

Ukrainep NATO-mut ilaasortaanera "oqallisigineqartut pingaarnerit ilagigaat", Jurij Ushakov tusagassiortunik katersortitsinermi oqarpoq.

USA-p immikkut aallartitaa Steve Witkoff, USA-p præsidentiata Donald Trumpip ningaava Jared Kushner Ruslandillu præsidentia ataatsimiinnermi peqataapput.

Kremli naapertorlugu marlunngornermi unnukkut qulingiluat sioqqullugit ataatsimiinneq naammassivoq.

/ritzau/