Sakkutuuiarnerit tarnip pissusaanik ilisimasalimmik ikiorneqarnissaminnut periarfissaqalerput
Sakkutuuiarnerit peqatigiiffiat nutaamik isumaqatigiissuteqarpoq, taamaalilluni sakkutuuiarnerit amerlanerusut tarnip pissusaanik ilisimasalimmik oqaloqateqarnissamut periarfissaqalissallutik.
Sakkutuuiarnerit peqatigiiffianni aqutsisoq Kim Simonsen, Sakkutuut aallartinneqarsimasut septembarip tallimaanni 2025-mi ulluanni, Nuummut tikeraarpoq.
Assi: Oscar Scott Carl
Sakkutuuiarnerit peqatigiiffiata sakkutuuiarnerit ilaqutaasalu tarnip pissusaanik ilisimasalik Nuummiittoq oqaloqatigineqarsinnaanngorlugu isumaqatigiissusiorfigeqqammerpaa.
– Kalaallit Nunaanni sakkutuuiarnerit ilaqutaallu pitsaanerpaamik ikiorneqarnissaat akisussaaffigaarput, akuerineqartutut tapersersorneqartutut misigitillugit, sakkutuuiarnerit peqatigiiffianni aqutsisoq oberst Kim Simonsen oqarpoq.
Sakkutuuiarnerit ilaqutaallu tarnip pissusaanik ilisimasalimmik internetikkut oqaloqateqarsinnaapput. Sakkutuiarnerit peqatigiiffiannut saaffiginninnerup kingorna tarnip pissusaanik ilisimasalik Karl Chemnitz ornigullutik maanna oqaloqatigisinnaanngorpaat.
Sakkutuuiarnerit Nuummiissinnaanngitsut, imaluunniit qarasaasiakkut oqaloqateqarusuttut internetikkut suli periarfissaqarput.
Illersornissaq pillugu isumaqatigiissummi 'Savalimmiuni Kalaallit Nunaannilu sakkutuuiarnerit pillugit suliniuteqarnerunissaq' pissutigalugu periarfissaqartoqalersoq, Sakkutuuiarnerit peqatigiiffiat paasissutissiivoq.
– Kalaallit
Nunaanni sakkutuuiarnerit ilaqutaalu tamaviaarlutik
tapersersuisimanerannut qujaffigerusuppakka. Tamanna akiniarlugu
Kalaallit Nunaanniinnerulernissamik kissaateqarpugut, Kim Simonsen oqarpoq.
Sakkutuuiarnerit
peqatigiiffiat illersornissaqarfiup ataani inissisimavoq, Sakkutuuiarnerit ilaqutaannik toqukkullu aannaasaqarsimasunut
ikiuiniarfiusoq Ilaatigut sakkutuuiarnerit oqaloqateqarusukkunik
ulloq unnuarlu sianersinnaapput.
