Sakkutuut naalagaat sakkutuullu Trumpip sioorasaarinerata kingorna Kalaallit Nunaannukartut

Danskit sakkutuui akiuuttartut amerlanerusut, "tukkornerujussuartut" oqaatigineqartut, ataasinngornermi unnukkut Kalaallit Nunaannut tikiunnissaat naatsorsuutigineqarpoq. Illersornissaqarfik taama ilisimatitsisoq TV2 allappoq.

Sakkutuut naalagaat Peter Boysen sakkutuut ilagalugit tikissaaq.

Sakkutuut taakkua danskit sakkutuuinut maannakkut sungiusartunut ilanngutissapput.

Issittumi Sakkutooqarfimmi pisortap Søren Andersenip danskit sakkutuui 100-t missaat Nuummut Kangerlussuarmullu tikitereersut siusinnerusukkut ilisimatitsissutigaa.

Tassani sungiusarneq „Arctic Endurance“, Danmarkip Nato-mi suleqataasa aalajaannersaasa ilaasa sakkutuuinik peqataaffigineqarluni sungiusartitsinerujussuusoq aallartissavaat.

Sunigusarnissaq siuartinneqartoq

Sungiusarnerit annertuut taakku USA-p præsidentiata Donald Trumpip nalunaarutai kingulliit pissutigalugit siuartinneqarput.

Nunat taakkua imminnut iligiikkaluartut Kalaallit Nunaat tiguarusuppaa, sakkutuulersornissarlu tunuarsimaarutiginngilaa.

Taassuma oqarneratut Ruslandip Kalaallit Nunaannut ulorianartorsiortitsinerata peerneqarnissaa illersornissamut peqatigiiffimmut Nato-mut ukiuni 20-ni Danmark peqquneqartarsimasoq kingullermik oqarpoq.

Maanna piffissanngorpoq, naammassineqarumaarporlu, præsidenti itisiliinani allappoq.

Akitsuutinik qaffaanissamik sioorasaarisoq

Danmark Ruslandip Kinallu Kalaallit Nunaanni sunniuteqarnissaat pinngitsoortinniarlugu ukiorpassuarni periusissiortarsimallunilu iliuuseqartarsimavoq. Nunat taakku imartamiittut Trumpip oqaatigaa, tamannali Danmarkimit ilisimasalinnillu ilumuunnginnerarneqarpoq.

Trumpip Kalaallit Nunaanni pissutsit pissutigalugit nioqqutissat Danmarkimeersut Europamilu nunanit arfineq-marlunnit allanit pisut 10 procentimik akitsuuserniarlugit arfininngormat oqarpoq.

Nunat taakkua sungiusaqataaniarlutik sakkutuunik Kalaallit Nunaannukartitsipput. Nunat taakkua Danmark tapersersorlugu nalunaarput, EU-milu immikkut ittumik sisamanngorpat ataatsimeersuartoqassaaq.

/ritzau/