Sermitsiap assiliisua Tusagassiortut Ukiumi Assilisatsialaanik nersornaaserneqartoq
Assiliisup Oscar Scott Carlip Nuummi assilisaa Tusagassiortut Ukiumi 2025-mi Assilisatsialaatut nersornaaserneqarpoq.
Oscar Scott Carl Tusagassiortut Ukiumi 2025-mi Assilisatsialaannut tallimanngormat toqqarneqarpoq, taassuma Nuummi Donald Trumpimut akerliussutsimik takutitsinermi assilisani nersornaatisissutigaa.
Assi: Sebastian Elias Uth/Ritzau Scanpix
Assiliisoq Oscar Scott Carl tallimanngormat nersornaammik ataqqisaasumik, Tusagassiortut Ukiumi 2025-mi Assilisatsialaanik, nersornaaserneqarpoq.
Nersornaasiineq Københavnimi Den Sorte Diamantimi pisvoq, Oscar Scott Carlillu Nuummi Trumpimut akerliussutsimik takutitsinermit marsip 15-ani 2025-mi pisumi assilisaa nersornaaserneqartussatut innersuunneqarnikuulluni.
Naliliisartut assip ajornartorsiungaarnermik nunarsuup oqaluttuarisaaneranik allannguisinnaasumut takutitsinera ilaatigut tunngavilersuutigaat:
Tusagassiotut Ukiumi Assilisatsialaattut una assi nersornaaserneqarpoq, nersornaammut tallimat innersuunneqarput. Nuummi 2025-mi marsip 15-ianni akerliussutsimik takutitsinermi assilisaavoq.
Assi: Oscar Scott Carl
- Pisoq ukiorpassuit ingerlanerini ajornartoornerit annersaat - Kalaallit
Nunaanni assi una, Tusagassiortut Ukiumi Assilisatsialaattut
ajugaasoq, maanna siunissamilu pisunut pingaaruteqarpoq. Pisormi
ukiorpassuit ingerlanerini ajornartoornerit annersaraat, nunarsuullu
sinneranut allannguutaasinnaalluni.
- Kalaallit Nunaata
oqaluttuarisaanerani akerliussutsimik takutitsinerit annersaanni
assilisaavoq, kalaallillu assimiittut inuiaqatigiittut
ataasiussuseqartutut inissisimapput – Trumpimut akerliullutik, naliliisartut allapput, erfalasullu assimi takuneqarsinnaasut maluginiarpaat:
Nersornaaserneqartoq: Kalaallit Nunaat kalaallit pigaat Oscar Scott Carlip killitsissimaqisoq nersornaammik tunineqarpoq. Qujassuteqarnerminilu akerliussutsimik takutitsisut oqariartuutaat uterpaa:
- Soorlu inuit ulloq naallugu suaartarnerattut: Kalaallit Nunaat, kalaallit pigaat. Grønland tilhører grønlænderne.
Oscar Scott Carlip Kalaallit Nunaanni ukioq misigissutsikkut tamaviaarnarsimasoq aamma oqaatigaa:
Oscar Scott Carl Den Sorte Diamantimi nersornaaserneqarpoq.
Assi: Sebastian Elias Uth/Ritzau Scanpix
- Inuillu
qaqqajunnaq tunuliaqutsiullugu tulluusimaarlutik
ataqqinaateqarlutillu Kalaallit Nunaanniit nipertik siammarpaat:
“Kalaallit Nunaajuvugut, Danmarkiunatalu USA-unngilagut”.
- Assiliisartuugaluaraanni nunamiluunniit innuttaagaluaraanni apeqqutaanngilaq. Meeqqat nunamik tiguagaanissaat annilaangatigalugu sininniartillutik qiasarput.
- Amerikamiut sakkutuuisa timmisartui mimmata Usha Vancep tikinnissaa sioqqullugu piareersariartortut paasivara, namminerli eqqarsarpunga: Tassa maanna pilerpa, Oscar Scott Carl nersornaaserneqarnermini oqarpoq.
– Trumpi pisariaqarsimavoq... Jury-p allappoq, inuit pillugit sunaaffa, aammalu qaamanerit qalipaatillu kalaallisuusut.
- Ukioq
manna unammisitsinermi Kalaallit Nunaannit assit arlallit
atorneqarsimapput, tamarmillu kalaallinik nersorinninniartuullutik.
Oqaluttuarisaanermi amigaataasimapput. Kalaallit Nunaatali maannatut
eqqartorneqalernissaannut Trumpi pisariaqarsimavoq, tunngavilersuutigineqarpoq.
Tusagassiortut Ukiumi Assilisatsialaat Danmarkimi tusagassiortut kattuffiannit Pressefotografforbundetimit toqqarneqartarput, nersornaatillu katillugit 18-iupput. "Tusagassiortut Ukiumi Assilisatsialaat" aamma "Tusagassiortut Ukiumi Assiliisuat“ nersornaatitut pingaarnertut isigineqarput.
Assit 2.196-it nassiunneqartut akornanni assi innersuussassatut toqqarneqarpoq.
