Sila nalinginnaanngitsoq tallimanngorpat pileratarsinnaasoq

Kujataani siallerlunilu kallertoqarsinnaasoq, avannaani seqinnarissaaq.

Paamiuni kiisalu Kalaallit Nunaata kujataa tallimanngornermi kallersinnaavoq.

Assi: Hanna Hviid

Hanna Hviid Hanna Hviid Tusagassiortoq

Saqqummersinneqarpoq 24. Juuli 2026 - 13:15

Ussassaarut

Naqitsiniisaffik Kalaallit Nunaata kujataanut tallimanngorpat ingerlaassaaq. Tamanna nuianerunissaanik, Paamiut eqqaaniit Kalaallit Nunaata kujataata tungaanut siallernissaanik isumaqarpoq.

Sumiiffimmilu aalajangersimasumi kallertarsinnaavoq, Kalaallit Nunaanni qaqutigoortarpoq.

Taama DMI – Kalaallit Nunaat Facebookimi quppernermini allappoq.

Sumiiffinni assigiinngitsuni sila assigiinngissinnaavoq. Nunatta kitaata avannaani, pingaartumik Maniitsumiit Uummannamut, sila aasarpalaarnerulissaaq seqinnertarlunilu, DMI allappoq.

Sumiiffiit ilaanni 12-18 gradit akornanni kiassaaq, sumiiffinnilu aalajangersimasuni 22 gradit missaannik kiassinnaassalluni.

Ussassaarut

Tunumi eqinnernissaa ilimasaarutigineqarpoq, taamaattumik aasap silaa nuannersoq nuannaarutigissallugu periarfissaalluarpoq, kujasinnerusumili nuiaassaaq siallersinaasarlunilu.

- Tassa Kalaallit Nunaata assigiinngitsunik marlunnik kiinnernera pineqarpoq: Kujataani ukiassarpalaartumik siallertassaaq, avannaanilu sila aasarpalaarluni seqinnertaqaaq. Qanortoq seqineq nuigaangat nuannaarutigisarisiuk, DMI allappoq.