KL

DK

ULLORMUT NALUAARUT

Sisimiuni aqqusinermi angallannermi ajutoortoqarneranut takunnittunik politiit ujartuipput

Niviarsiaraq peqatiminit qimaavoq, taamaalillunilu biilinit aporneqarluni.

Thomas Munk Veirum Tusagassiortoq
Saqqummersinneqarpoq

Sisimiuni aqqusinermi Qeeqimi marlunngornermi nalunaaqutaq 17.00-ip 18.00-illu akornanni, aqqusinikkut angallannermi ajutoortoqarneranut takunnittunik politiit ujartuipput.

Niviarsiaraq 17-inik ukiulik peqatiminit qimaalluni biilinut sanioqquttunut ikiortissarsiortilluni ajutoorpoq.

Biilinut ingerlaartilluni niviarsiaraq pulamippoq, biilinillu saneqquttunik aporneqarluni, pigaartut pisortaat Jeppe Andsager oqaluttuarpoq.

- Qanoq pisoqarsimaneranik takunnissimasumik ujartuivugut, oqarpoq.

Politiit pisoq pillugu aatsaat pingasunngornermi ualikkut nalunaarfigineqartut, biilimillu taanna aquttoq politiinit ilisimaneqartoq, pigaartut pisortaat oqarpoq.

Pisumut ilisimasallit politiinut attaveqarsinnaapput oqarasuaat 70 14 48 aqqutigalugu.

angallannermi ajutoorneq niviarsiaraq 17-inik ukiulik takunnittut politiit sisimiut inuiaqatigiit

Atorfiit tamaasa takukkit

PODCASTI

Powered by Labrador CMS