Soraarnerussutisiaqalernissamut aaqqissuussineq: Naalakkersuisoq iliuuseqarnissap pingaaruteqarneranik erseqqissaavoq

Immikkut ilisimasallit soraarnerussutisiaqalernissamut aaqqissuussineq pillugu qiteqqunnerani nalunaarusiaanni siunissami aaqqissuussineq allanngortinneqanngippat inuiaqatigiinnut aningaasartuuterujussuaqarsinnaanera siulittuutigineqarpoq.

Aningaasaqarnikkut inuiaqatigiinnilu unammilligassaqangaalerlutik Isumaginninnermut, Suliffeqarnermut, Ilaqutariinnut Nunamullu Namminermut Naalakkersuisoq Maritha Broberg oqarpoq, tamannalu soraarnerussutisiaqalernissamut aaqqissuusseqqittoqassanersoq apeqqutaajunnaarneranik, qanoq aaqqissuusseqqinneqassanerluta qanorlu imaqassanersoq apeqqutaalerneranik kinguneqarpoq.

- Naalakkersuisut nassuerutigaat immikkut ilisimasallit misissueqqissaarinerigallagaata ilungersunartuunera, aamma qiteqqunnerani nalunaarusiaq Inatsisartuni partiinut tamanut eqqarsaqqissaartitsissasoq neriuuteqarlutik, Maritha Broberg oqarpoq.

Kinguaariit soraarnerussutisiaqalernissaannut aaqqissuussaq

Immikkut ilisimasallit soraarnerussutisiaqarnermik aaqqissuussineq misissorsimavaat, atorluarneqareersut ilaat tunngavigalugit ineriartortitsillutik, allalli aamma attatiinnarlugit. Tamanna Naalakkersuisut aamma isumaqatigivaat. Aaqqissuusseqqinnermili eqqarsaatiginneqqillunilu nukittorsaasoqartariaqarpoq.

- Soraarnerussutisiaqartitsinermik aaqqissuusseqqinneq tassaavoq siunissami kinguaariinnut aningaasaliineq, aamma soraarnerussutisiaqartitsinermik aaqqissuusseqqittoqassappat, soraarnerussutisiaqartitseriaaseq pisortanit namminersortunillu soraarnerussutisiassanik ileqqaagaqarfittut ataatsimut isigineqassaaq.

Siunnersuutit 2027-mi januaarimi piareerneqassapput.

- Tamatta eqqarsaaatigeqqaarnagu aalajangiinissarput sioqqullugu, partiit soraarnerussutisiaqartitseriaaseq, unammilligassat aamma inaarutaasumik innersuussinerit pillugit ataatsimut isiginninnissaat pingaaruteqarpoq, tusagassiutitigut nalunaarummi oqaatigineqarpoq.