Arnat
spiralilersuisimaneq pillugu suliap oqaluttuarisaanermut pingaarutillip
kingunerisaanik spiralimik naartunaveersaateqarumajunnaaraluttuinnarput.
Kalaallit Nunaanni Peqqinnissaqarfimmi nakorsaaneq Jesper Olesen taamatut
oqarpoq.
Arnat
spiralilersuisimaneq pillugu suliap oqaluttuarisaanermut pingaarutillip
kingunerisaanik spiralimik naartunaveersaateqarumajunnaaraluttuinnarput.
Kalaallit Nunaanni Peqqinnissaqarfimmi nakorsaaneq Jesper Olesen taamatut
oqarpoq.
- Inuppassuit
spiralilersuisimaneq pillugu suliaq pissutigalugu spiralit ajortuusorisarpaat,
Jesper Olesen oqaluttuarpoq.
Naartuersinnerit
inunngortunit amerlanerulermata ineriartorneq taanna peqqinnissamut
ernumanarpoq.
-
Naartuersittut meerartaartunit amerlanerupput, Jesper Olesen oqarpoq.
Tassa imaappoq
naartusut affai sinnerlugit meerartaarnatik naartuersinnissartik toqqartarpaat.
Taamaammat spirali naartunaveersaatitut atorneqarsinnaasutut
isigineqaqqileqqullugu Jesper Olesen kajumissaaruteqarpoq.
- Soorlu
iisartakkanik naartunaveersaatinik p-pilletornertut minipilletornertulluunniit
ullut tamaasa iisisarnissaq eqqaamaniarneqartariaqanngimmat spirali
naartunaveersaataavoq pitsaalluinnartoq. Spiralip periarfissatut
isigineqaqqilernissaa kissaatigaarput, taanna oqarpoq.
Kinaluunniit
nammineq akuersinngikkuni nakorsartinnissamut — aamma
naartunaveersaatilersinnissamut — pinngitsaalineqartassanngitsoq Jesper
Olesenip erseqqissarpaa.
- Naalli
spirali oqaluttuarisaanermi eqqunngitsumik akuersissuteqanngitsumillu
atorneqartarsimagaluartoq arnat spiralimik misiliisinnaanerlutik
eqqarsaatigeqqaassagaat Kissaatigilluinnarparput. Tamanna ajornartorsiutaavoq, spiralilu
naartunaveersaatitut ajortuunngilaq, Jesper Olesen erseqqissaavoq.
Ingerlaannaq itigartinneqartartut
Peqqinnissaqarfimmi
sulisut, soorlu peqqissaasut, ikiortit, ernisussiortut nakorsallu arnat
naartunaveersaatinik assigiinngitsunik eqqartueqatigigaangatigit spirali amerlanertigut ingerlaannaq
itigartitsissutigineqartarpoq.
-
Ajoraluartumik spirali inuppassuarnit eqqarsaatigineqarumanngilarluunniit.
Arnat ilaannut naartunaveersaarnissamik ajornannginnerulersitsisinnaammat
tamanna unitsikkusupparput, nunap immikkoortuani nakorsaaneq oqarpoq.
Napparsimmaviit
spiralit assigiinngitsut marlunnik neqeroorutigaat: spirali kanngussattalik
aamma hormoninik akulik.
Jesper Olesenip
spiralilersuisimaneq pillugu suliaq pissutigalugu qularneq ernumanerlu
paasilluarsinnaallugu oqarpoq.
- Taamaalluinnarpoq. Paasiuminaatsinneqarnera
pissutaanngilaq. Spirali itigartitsissutigiinnarnagu qanoq sunniuteqartarnersoq
pillugu oqaloqatigiinneq uterfigerusupparput, Jesper Olesen oqarpoq, kikkullu
tamarmik naartunaveersaatinik misilittagaqarnertik ammanerusumik
oqaloqatigiissutigeqqullugu kajumissaarivoq.
Tamanna inuppassuit spiraleqarnerminnik
iluarinninnerata ersersinnissaanut iluaqutaasinnaasoq taanna isumaqarpoq,
tamannalu oqaluttuarisaanermi amerlasuutigut puiorneqartarpoq.
- Aammattaaq isumakuluutivit peqqinnissaqarfimmi
sulisunut oqaluttuarinissaat pingaaruteqarpoq, taamaalilluta paatsuuinerit
nassuiarnissaannut qulaarnissaannullu periarfissaqarniassagatta. Isumakuluutit
tusakkatta amerlanersaat pisariaqarneq ajoraluarput, taanna oqarpoq.
