Suliffimmi ajutoornermi aqqunartut arlaqartut

Aqqusinermi angallannermi ajutoortoqarmat inuit pingasut sisamanngornermi Qaqortup napparsimmavianut unitsinneqarput.

Nalunami kuultisiorfimmi pisoq politiit sulinermi ajutoornertut isigaat.

Pigaartut pisortaat Aputsiaq Hansen tallimanngornermi ullaakkut Sermitsiamut taama oqarpoq.

Piiaaffiup eqqaani sulisut angallanneqarneranni ajutoortoqarnerani ajoqusersimasut pingasut inuunerminnik ulorianartorsiortitsinngitsut napparsimmaviup ilisimatitsissutigisimagaa, pigaartut pisortaat oqaluttuarpoq.

- Politiit ornigupput, aammali Suliffeqarnermut Nakkutilliisoqarfiup pisoq misissussavaa, pigaartut pisortaat oqarpoq.

Suli ulapaartoqarpoq

Suliffimmi ajutoornerup saniatigut politiit aamma allanik ulapputeqarput, taakkualu ilarpassui imigassartorsimanermi pisunut tunngassuteqarlutik.

Ilaatigut inuit kissaatigineqanngitsut arfinillit, aqqusinermilu eqqissiviilliornerit suliaqarfigineqarsimapput.

Angerlarsimaffinni eqqissiviilliornerit nalunaarutigineqartartut amerlanerpaapput, 18-it angullugit nalunaarutigineqarsimammata, pigaartut pisortaat oqarpoq.

- Imigassartorpallaarneq pissutaalluni amerlanertigut eqqissiviilliortoqarpoq, sumiiffiillu ilai meerartaqarlutik, Aputsiaq Hansen oqaluttuarpoq