- Suliffeqarfimmut imaluunniit ishockeymik arsaattartunut isikkamik arsaattartunullu assersuunneqarsinnaavoq, tassa unammisartut sulisullu pitsaanerpaamik inissinnissaat anguniarlugu nuunneqartarput.
Inuussutissarsiornermut, aatsitassanut, nukissiutinut naligiissitaanissamullu naalakkersuisup Naaja H. Nathanielsenip (IA) Folketingimut qinigassanngortinniarluni aalajangernerata kingorna Sulisitsisuni pisortaq Christian Keldsen oqarpoq.
- Suliffeqarfimmut imaluunniit ishockeymik arsaattartunut isikkamik arsaattartunullu assersuunneqarsinnaavoq, tassa unammisartut sulisullu pitsaanerpaamik inissinnissaat anguniarlugu nuunneqartarput.
Inuussutissarsiornermut, aatsitassanut, nukissiutinut naligiissitaanissamullu naalakkersuisup Naaja H. Nathanielsenip (IA) Folketingimut qinigassanngortinniarluni aalajangernerata kingorna Sulisitsisuni pisortaq Christian Keldsen oqarpoq.
- Naalakkersuisutta qiningassanngortinnera sakkortuumik allanit isummerfigineqartoq nalunngilara, kisianni misilittagalinnik Nunarput sinnerlugu Folketingimi ilaasortassanik pisariaqartitsisugut Sulisitsisuni isumaqarpugut, oqarpoq.
- Milittakkallu nammineq aaqqissuussaanitsinniit aallaaveqartariaqarput.
Folketingimi inunnik pikkorissunik ilaasortaqarnissarput immaqa aatsaat taama pingaaruteqartigaaq
- Christian Keldsen, Sulisitsisuni pisortaq
Inuit Ataqatigiit sisamanik qinigassanngotitsinertik tallimanngormat saqqummiuteqqaarpaat - kisianni sapaatip-akunnerani matumani allanik qinigassanngortunik saqqummiussinissartik neriorsuutigalugu.
Naaja H. Nathanielsen qinigassanngortinnini Facebook aqqutigalugu ataasinngormat nalunaarutigaa, Kupik V. Kleistilu Inuit Ataqatgiit sinnerlugu qinigassanngortinnini marlunngormat nalunaarutigalugu.
Naaja H. Nathanielsen issiavimmi sivisuumik issiavoq
Naaja H. Nathanielsenip qiningassanngortimmat Naalakkersuisut marluk maannamut marsip 24-ani qinersisoqarnissaanut qinigassanngortipput. Taassuma saniatigut peqqissutsimut, inunnut innarluutilinnut naalakkersuisoq Anna Wanngenheim (D) qinigassanngortippoq.
Tamanna isornartorsiorneqangaatsiarpoq – ilaatigut partiimit naalakkersuisoqatigisamit Atassummit kingornalu Siumut naalakkersuisooqatigiinnissamik unitsitsiniarluni sioorasaarisoq.
Aammattaaq PPK-p, Peqqinnissaq Pillugu Kattuffiup, Anna Wangenheimip (D) peqqinnissaqarfimmi misilittagaqaraluarluni ukioq ataaseq qaangiutiinnartoq atorfimminit tunuartussanngorsinnaanera uggoraa.
- Anna Wangenheim Naalakkersuisutut sulilluarpoq, kissaatiginngilarput siusinaarluni tunuassasoq, PPK-mi siulittaasoq Navarana Johansen Sermitsiamut oqarpoq.
Sulisitsisut Naalakkersuisumik Folketingimut qinigassanngortikkusunnera eqqissisimasumik isumaqarfigaat.
- Politikki taamaappoq, Christian Keldsen oqarpoq.
- Qanoq isumaqaraluaruttaluunniit minnerpaamik ukiut sisamakkaarlugit politikkerip allap atorfiit assigiinngitsut tigusariaqartarpai.
- Eqqaamasariaqarparpullu Naaja Nathanielsen siorna qinersisoqartinnagu aamma taamatut atorfeqarsimasoq, taamaattumik piffissami sivisuumi tassaniissimareerpoq, Sulisitsisut pisortaat oqarpoq.
Folketingimi politikerit misilittagaqarluartut pingaaruteqartut, taamaattumillu Anna Wangenheimip (D) aamma Naaja H. Nathanielsenip (IA) qinigassanngortinniarlutik aalajangersimanerat, Christian Keldsenip nuannaarutigaa.
- Inuit pikkorissut politikkimik ilisimasallit pisariaqarput, Christian Keldsen oqarpoq.
- Folketingimi inunnik pikkorissunik ilaasortaqarnissarput immaqa aatsaat taama pingaaruteqartigaaq.
