Eleo Evaldsen, isumaginninnermut ikiorti.
Sooruna
inulerisutut ilinniagaq toqqarsimaviuk?
Eleo Evaldsen, isumaginninnermut ikiorti.
Sooruna
inulerisutut ilinniagaq toqqarsimaviuk?
- Meeraallungali
meeqqanik nuannarisaqartuugama, soorlu meeqqanik aallertarnikuullunga. Taamanili
aalajangernikuuvunga meeqqerisuussallunga. Eqqaamavara 18-iliinissannut erinisussuaarlunga
meeqqerivinni sulisinnaaniassagama. 18-iliigama ingerlaanaq meeraaqqerivimmut allatsikkiartorpunga.
Inulerineq kisiiviat samminikuuara.
Ulluinnaat
suliffiusut qanoq misigisarpisigit?
- Amigarfinni
ulapaarneq unamminarnerpaasarpoq. Soorlu suliartornermiit ulapinneq, ilaanni
allaat qiteqqutinngitsoornerit. Qiteqqunnissat kinguarteqattaartariaqarneri. Ullaakkut,
ulloqeqqasiornermi ualikkullu qiteqquttoqartarnera nalinginnaavoq. Ualikkut aatsaat
qiteqqullunga misiginikuuara. Ulapinnaqaaq, uippakajaalersartut paasinarput.
Qaqutigoorpoq taamatut nalaataqarneq, kisanni misigisarparput.
Pingasoqiusanngorusunnartarpoq, taamaammat inimi sulisut pingasuinnaasarnerat unammillernarnerpaasarpoq
- Eleo Evaldsen. Isumaginninnermut ikiortitut 2015-imi naammassisoq
- Quiartorsinnaannginnerit,
nerinngitsoornerit, eqqarsarnerit: ‘Ah, usi aamma imertarpugut’. Niaqorlunnerpassuit
pilertarput ulapinnerup kinguerisaanik. Meeqqat immikkut pisariaqartitsisut sullillugit saniatigullu innartussat, itertussat, sammisassat, nerisitassat
taamaattuararpassuit ulluinnarsiutaapput.
ASSAAT KISSALAARTUT AMIGAATIGINEQARNERAT
Kalaallit
Nunaanni assaannik kissalaartunik amigaateqarneq, tamatumalu inuiaqatigiinnut
sunniutai Sermitsiamiit allaaserisani nangeqattartuni sammivarput Perorsaasut
ulluinnarni suliassaqarpallaartarnerat, sulisut ikippallaarnerat
aningaasarsiakippallaarnerlu allaaserisani siullerni sammivarput.
Sulisussaaleqinerup
ilinnut meeqqanullu sunniuteqarneranik ersersitsisumik ullormik
aaliangersimasumik oqaluttuarsinnaavit?
- Qissattoornaveersaarneq.
Nukinnik atuinartorujussuuvoq. Marluinnarnillu taleqarluni, ingilluni tamarmik
qiasinnaveersaarlugit. Una qiavoq, ilai aaqqiagiinngitsut. Amigarfinni toqqissisimatitsiniaaneq
initunerpaanngortarpoq. Ingikkaani, itertoqartoq aamma nikuilluni. Pingasoqiusanngorusunnartarpoq,
taamaammat inimi sulisut pingasuinnaasarnerat unammillernarnerpaasarpoq. Nakorsanngorneq,
igasunngorneq eqqiaasunngornerlu aqqusaartarpagut. Soorlu igasoq napparsimappat
igasoqartariaqarpoq, eqqiaasoqartariarpoq errorsisoqarlunilu.
Eleo Evaldsen
Assi: Oscar Scott Carl
Atugassarititat
eqqarsaatigalugit aqagu allanngortitsisinnaasuugit suna
allanngortissagaluarpiuk?
- Toqqaannaq isumaginninnermut ikiortimiit perorsaasungorniarsinnaanissaq
atuutilertissagaluarpara. Piginnaasat aallaavigalugit naalisaaffigineqarsinnaalernissaq.
Soorlu ukiut qulit sinnerlugit misilittagaqaraluarlunga toqqaannaq perorsaasungorniarsinnaanngilanga.
Sulisut ullut tamaasa suliartortarnissaat ukioq kaajallallugu aamma kissaatiginarpoq.
Ullut tamaaviisa napparsimasoqartarami. Takkuttuartartuulluni unammillernartaqaaq.
Sulisut aalajaatsut eqqugaanerpaasaramik.
