Takornariat qulimiguulimmik aaneqartut

Takornariat arfinillit pingasunngornermi ullaakkut Tunumi qulimiguulimmik aatipput.

Pigaartut naalagaat Carl Sværd taama oqaluttuarpoq.

Takornariat Tiniteqilaap eqqaani nunami pisupput, marlunngornermilu umiatsiaaqqamik aatinnissaat pilersaarutaavoq.

Malissuilli sakkortuut pissutigalugit pilersaarut iluatsinngilaq, taamaammallu oqartussaasut akuliupput.

Politiit angallatiminnik takornaria aaniarsimagaluaraat, malissuaqarnerali pissutigalugu taamaatitsiinnartariaqarsimasut Carl Sværd oqaluttuarpoq.

Takornariat arfinillit taakkua taamaammat pinngortitami unnuisariaqarsimapput, pingasunngornermilu ullaakkut Air Greenlandip qulimiguuliutaanit sumiiffimmiittumiit aaneqarput.