Tamat attaveqatigiittarfiini inerteqquteqalernissamut Schweiz ammavoq

Schweizimi nunamut namminermut ministerip, Élisabeth Baume-Schneiderip, meeqqat internetikkut attaveqaqatigiittarfiiniinnissaat inerteqqutinngornissaa ammaffigaa.

- Australiami EU-milu oqallinneq pingaaruteqarpoq. Schweizimi aamma oqallisigisariaqarparput. Inerteqqutinngornissaa ammaffigaara, oqarpoq.

Elisabeth Baume-Schneider oqarpoq internetimi saqqumisut ajoqutaasut killilerneqarsinnaasut aamma algoritmit inuusuttut imminnut tatigerpiannginnerannik atornerluisut akiorneqarsinnaasut.

- Internetimi iserfigineqarsinnaasut puigussanngilagut. Internetimi attaveqaatit namminneq akisussaaffigisariaqarpaat meeqqat inuusuttullu internetikkut attaveqaatini sunik atuisinnaanersut.

Nangilluni oqarpoq tamanna pillugu ukiumi nutaami sukumiinerusumik oqaloqatigiissutigineqassasoq.

Decembarimi Schweizimi Fribourgimi meeqqat 15-it inorlugit ukiullit atuarfimmi mobiltelefonimik atuinissaat inerteqqutigineqalerpoq.