Tanbreezip Drew Horn suleqatigerusunngilaa
GreenMetsip pisortaata Drew Hornip Killavaat Alannguanni Tanbreezimut aningaasaliisussarsiornini amerikami TV-kut aallakaatitassiami qanittukkut oqaluttuaraa. Kalaallit Nunaanni suliniutinut aningaasaliisartunik amerlasuunik piareersimasuuteqarnini ilaatigut oqaatigaa, Taanbreezilli pilersitsisua pisortaalu Drew Hornimik suleqateqarnissaminut itigartitsivoq.– Suleqatigiissutissaqanngilaq. Dollarinik millionilikkaanik neriorsuutiginikuusaminik pissarsisinnaanngilaq.
GreenMetimi pisortaq Drew Horn Kalaallit Nunaanni aningaasanik trillionilinnik nalilinnik pisuussuteqartoqartoq nalilerlugu amerikamiut tusagassiorfiannut Business Insiderimut oqarpoq. "Aningaasaliisartut amerlasuut ineriartortitsisussat pareersimapput".
Assi: Oscar Scott Carl
Amerikamiut nutaarsiassaqartitsiviat Business Insider Kalaallit Nunaat pillugu tv-kkut ilanngutassiamik takisuumik "Why Mining in Greenland is so Hard“-imik qulequtalimmik sapaatit-akunneri pingasut matuma siorna aallakaatitsivoq. Ilanngutassiaq YouTube-kkut 300.000-inik amerlanerusumik takuneqarpoq.
Aallakaatitassiami savaatilik Tupaarnaq Kleist, Lumina Sustainable Materialsimi pisortaq Bent Olsvig Jensen, Issittumi Sakkutooqarfimmi pisortaq Søren Andersen, aatsitassarsiornermi ingeniøri nittartakkatigullu isummanik siammarterisartoq Qupanuk Olsen aamma Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoq Naaja H. Nathanielsen minutsini 25-ni sivisussuseqartumi peqataapput, taakkualu tamarmik immikkut Kalaallit Nunaanni aatsitassarsiornerup periarfissaanik unammilligassaanillu oqaluttuarput.
Business Insiderip ilanngutassiaani Drew Horn Kujataani Tanbreezip akuersissuteqarfiani ujaqqamik angisuumik tigumiartoq takuneqarsinnaavoq. Aamma" Drew Hornip suliffeqarfiup aningaasaliisussarsiornerani ikioraa” oqaatigineqarpoq.
Assi Business Insider / Screendump
Ujarassiornermi paratiisi
GreenMetimi pisortaq Drew Horn aamma peqataavoq, aallakaatitassiamilu Trumpip naalakkersuisuini siullerni sulisimanermini,
ullumikkullu Amerikamiut aningaasaliisartut Kalaallit Nunaanni
suliniutinut qanoq attaveqalersissinnaanissai immikkut
ilisimasaqarfigilersimallugit oqaluttuarpoq.
Aallakaatitassiami Drew Horn Washingtonimi allaffimmini oqarasuaatikkut oqaluussilluni issiasoq takuneqarsinnaavoq, inullu kinaassusersineqanngitsoq Drew Hornimut nuannaarluni ima
oqartoq: “Præsidenti
oqaloqatigingajalissagit naatsorsuutigaara.”
Kalaallit
Nunaat periarfissat nunagigaat — ujarassiornermi paratiisiusoq,
siunissamilu qaninnerusumi aatsitassanik qaqutigoortunik piiaanermi
pigaarnerpaanngorsinnaasoq isumaqarluni Drew Horn
oqarpoq.
Dollarit trillionilikkuutaat
"Pissarsiassat
dollarinik trillionilinnik nalillit isigivagut,
aningaasaliisunillu sanaartornissamut piareersimasunik amerlasuunik
pireersimasuuteqarpugut,“ Drew Horn oqarpoq.
Drew Horn Kujataani Tanbreezip akuersissuteqarfiani
ujaqqamik angisuumik tigumiartoq aallakaatittassiami aamma takuneqarsinnaavoq. "Drew Hornip suliffeqarfik aningaasaliisussarsiornerani ikioraa” aamma takutinneqarpoq.
- Nunarsuarmi aatsitassat qaqutigoortut pingaarnerit
ilaat maaniittoq isumaqarpugu, aamma qaammatit aqqaneq-marluk 18-illu ingerlaneranni piiaanerup
aallartinnissaa anguniagaraarput, Drew Horn oqarpoq, aamma "neriorsuutimi timitalernissaanut apeqqusiisoqarpat ima oqassaanga: Takutissaqaara."
– Drew Horn Tanbreezimi sullissisimanngisaannarpoq. Critical Metals Corporation saaffigalugu suliniummut dollarinik millionilinnik katersuisinnaalluni oqarpoq. Kingornali tamanna ilumuunngilluinnartoq paasinarsivoq, malitsigisaanillu soraarsitaavoq, Tanbreez pisortaa Greg Barnes Sermitsiamut oqarpoq.
Assi: Leiff Josefsen
Suleqatigiinngilagut
Tanbreezimik pilersitsisup ukiorpassuarnilu pisortaasup Greg Barnesip aallakaatitassiaq nuannaarutigivallaanngilaa.
Drew Hornip Critical Metals Corporation, Tanbreezimik piginnittunngornissaata nalaani, suleqatigigaluaraa, qaammatialunnguilli qaangiummata Drew Hornip neriorsuutigisani naammassisinnaannginnamigit suleqatigiinnertik unitsikkaa taanna Sermitsiamut oqarpoq.
– Drew Horn Tanbreezimi sullissisimanngisaannarpoq. Critical Metals Corporation saaffigalugu suliniummut dollarinik millionilinnik katersuisinnaalluni oqarpoq. Kingornali tamanna ilumuunngilluinnartoq paasinarsivoq, malitsigisaanillu soraarsitaavoq, Tanbreez pisortaa Greg Barnes Sermitsiamut oqarpoq.
Sermitsiap
Drew Horn Critical Metals Corporationimi sulinera pillugu
apeqquteqarfigissallugu saaffiginiaraluarpaa, saaffiginnissutilli
suli akineqanngillat.
