Trump aammaarluni Kalaallit Nunaata assinganik ivertitseqqippoq

USA-p præsidentia Donald Trumpip Kalaallit Nunaannik aallussinini suli taamaatinngilaa.

Nammineq SoMemini, Truth Socialimi Amerikamiut præsidentiata assi nunatsinnik illoqarfimmik isiginninnini inertippaa. Qaqqaq tunuaniittoq tigummilluarpaa.

Assimi allassimavoq “Hello, Greenland” – “Aluu Kalaallit Nunaat” kalaallisut.

TV 2 naapertorlugu nunatta kangiani illoqarfik Tasiilaq pineqarpoq.

Assi taanna Trumpip maajip 23-iani ivertippaa.

Donald Trumpip Kalaallit Nunaannut immikkut aallartitaata, Jeff Landryp, issittumi nunamik tikeraarsimanerata kingorna, assi siullermeerluni ivertinneqarpoq.

Taanna sapaammi maajip 17-iani Nuummut tikippoq, kingusinnerusukkullu Kalaallit Naalakkersuisuisa siuttui ataatsimeeqatigai.

Kingorna Naalakkersuisut Siulittaasuata Jens-Frederik Nielsenip (Demokraatit) Nunanullu allanut Naalakkersuisup Múte B. Egedep (IA) USA-p aallartitaanik pitsaasumik ataatsimeeqateqarsimanertik oqariartuutigaat.

- Titarnertaaq ataasiinnaq

Taamattaaq tusagassiortunik ataatsimiititsinermi Jens-Frederik Nielsenip marluullutik kalaallit naalakkersuisuisa aallaqqaammullu isumartik erseqqissaatigisimallugu oqaatigaa.

- Kalaallit Nunaat inuiaqatigiillu kalaallit ataqqineqartariaqartut oqarpugut, naalakkersuisut siulittaasuat Nuummi tusagassiortunik katersortitsinermi oqarpoq.

USA-p Kalaallit Nunaanniinnerminik sanarfeqqittariaqarnini pisariaqartikkaa, Jeff Landry aallannginnermini oqaatigisaminik uteqqiivoq.

- Siunnerfipput ataasiinnaavoq. Tassalu aappalaartoq, qaqortoq tungujortorlu. Præsidentip Kalaallit Nunaannik iluarinninnera, Kalaallit Nunaata nunarsuup kitaaniinneranik patsiseqarnera eqqaamassavarsi, Jeff Landry Sermitsiamut oqarpoq.

Howery: Trumpip pissaanermik atuiniarnini taamaatikkaa

USA-p Danmarkimut aallartitaa, Ken Howery naapertorlugu Trumpip “pissaanermik atuiniarnini taamaatippaa”.

- Kalaallit Nunaata siunissaa kalaallit namminneerlutik aalajangigassaraat, taanna nunatsinni tusagassiorfik KNR malillugu Nuummi maajip 21-iani Amerikamiut sinniisoqarfiannik nutaamik ammaanermi oqarpoq.

USA Kalaallit Nunaanni maannakkut ataatsimik sakkutooqarfeqarpoq. Taanna tassaavoq Pituffik Space Base.

DR malillugu Amerikamiut sakkutooqarfiinik pingasunik sisamanilluunniit Kalaallit Nunaanni ammaasoqassanersoq oqaloqatigiissutigineqarpoq.

Trumpi arlaleriarluni Kalaallit Nunaannik, naalagaaffeqatigiinnut ilaasumik, tigusinissamik nipituumik eqqarsaatersoreersoq, USA-p Kalaalillu Nunaatalu kiisalu USA-p Danmarkillu akornanni pissutsit pissanganartorsiorfimmiilerput.

/ritzau/