Trump: Kalaallit Nunaanni uuliamik, gassimik aatsitassanillu annertuumik ujaasisoqalerpoq

Kalaallit Nunaanni misissuinerit annertuut piareersarneqartut USA-p præsidentia inuit attaveqaqatigiittarfianni Truth Socialimi allappoq.

USA-p præsidentia naapertorlugu „uuliap pissarsiareriaannaap annertussusaa nunarsuarmi nunanit tamangajannit annertunerungaatsiartoq immikkut ilisimasallit oqarput“.

Assi: Oscar Scott Carl

Trine Juncher Jørgensen Trine Juncher Jørgensen TUSAGASSIORTOQ / TUSAGASSIORTOQ

Saqqummersinneqarpoq 14. Oktobari 2026 - 10:54

Ussassaarut

Kalaallit Nunaanni uuliamik, gassimik aatsitassanillu annertuumik ujaasisoqassasoq USA-p præsidentia Donald Trump tusagassiuutimini Truth Socialimi pingasunngornerup unnuaani allappoq.

- Kalaallit Nunaajutitsinni nutaami kusanartumilu uuliamik, gassimik aatsitassanillu annertuumik ujaasisoqarnissaa piareersarneqarpoq! Uulia pissarsiareriaannaasoq nunarsuarmi nunanit tamangajannit annertunerujussuusoq immikkut ilisimasallit oqarput, Trump allappoq.

USA-p præsidentiata misissuinerit sorliit pinerai erseqqinngilaq.

Kalaallit Nunaat „sillimaniarnermut tunngatillugu, USA-mut Europamullu illersornissamut saassussinissamullu tunngatillugu nalissaqanngitsuusoq“ Trump ilanngullugu allappoq.

Allataq taanna taassuma nammineerluni Kalaallit Nunaanni illoqarfimmut assingusumik isiginnaarluni assiliamik ikkusseqqinneranit akunnerit arlaqanngitsut qaangiuttut saqqummiunneqarpoq. Assimi "Hello, Greenland" allassimavoq. Kalaallit Nunaanni uuliamik, gassimik aatsitassanillu misissuisoqarnissaanik ilisimasaqartoqarnersoq Sermitsiap Inuussutissarsiornermut Aatsitassanullu Naalakkersuisoqarfik aperisimavaa. Suli akissuteqarfigineqanngilaq.