Trump uteqqiivoq: USA-p Kalaallit Nunaat pisariaqartippaa

USA-p præsidentiata Donald Trumpip apersorneqarnermini uteqqippaa USA-p “Kalaallit Nunaat pisariaqartikkaa”.

Nutaarsiassaqartitsivimmit The Atlanticimit Amerikamiut Venezuelamut saassussinerat pillugu apersorneqarnermini taama oqarpoq.

- Kalaallit Nunaat pisariaqartilluinnarparput (We do need Greenland, absolutely, aaqq.), nutaarsiassaqartitsivik naapertorlugu Trump oqarpoq.

Præsidentip Kalaallit Nunaata eqqaani „Russit Kinamiullu umiarsuaannit unguneqarsimasoq“ ilanngullugu oqaluttuarigaa, The Atlantic allappoq.

Aviisimi The Atlantic-imi allassimavoq præsidenti West Palm Beachimi golfertarfimminut ingerlaartilluni oqarasuaatikkut apersorneqarsimasoq.

Tusagassiortoq naapertorlugu præsidenti nuannaarpaluppoq, Trumpillu tusagassiortumut uppernarsarpaa Venezuela tassaassanngitsoq nuna kingulliusoq USA-p „iluaqutaasumik akuliuffigisaa“.