Trumpip ataatsimeersuarnermi Kalaallit Nunaata pisiarinissaa eqqartorniarpaa
Amerikamiut Kalaallit Nunaata tiguarnissaanik kissaateqarnerat, aningaasaqarneq pillugu Schweizimi ataatsimeersuarnermi, USA-p oqaluuseriniaraa, Trumpip marlunngornermi oqaatigaa. Trumpillu USA-p erfalasuanik Kalaallit Nunaanni nappaasoq silassorissuusiap assilialiaa aamma siammarterlugu.
USA-p præsidentia Donald Trump timmisartumut Air Force One-mut Floridami ikitinnani tusagassiortunik ataasinngornermi oqaloqateqarpoq.
Assi: Kevin Lamarque/Reuters/Ritzau Scanpix
USA-p præsidentiata Donald Trumpip Kalaallit Nunaata tatisimangaatsiarnini sapaatip-akunnerata naanerani akerliussutsimik takutitsisoqarluni ataatsimiinnerit sakkutuullu amerlanerusut nunamukartinneqaraluartut suli attappaa.
Donald Trumpip Schweizimi Davosimi World Economic Forumimi USA-p Kalaallit Nunaata pisiarinissaa oqaluuseriniarlugu maanna oqaatigaa.
Nutaarsiassaqartitsivik Reuters allappoq.
- Pisariaqarparput. Taamaaliortariaqarput. Danmark illersorsinnaanngilaa, inuit ajunngitsorsuupputm, Trump Floridami tusagassiortunut oqartoq Reutersip allaaseraa.
- Siuttut nalunngilakka. Inuit ajunngitsuupput, kisianni orniguttanngillat, oqarpoq.
Assinik allakkanillu aalassaataasinnaasunik arlalinnik siammarterisoq Trumpip oqaatsimi saniatigut inuit attaveqaqatigiittarfianni, Truth Social-imi, tupaallannartunik marlunngornermi allappoq.
Trump præsidentip tullia J. D. Vance nunanullu allanut tunngasunut ministeri Marco Rubio peqatigalugit Amerikamiut erfalasuannik Kalaallit Nunaanni nappaasoq assit ilaanni takuneqarsinnaavoq.
Trumpip USA-p erfalasuanik Kalaallit Nunaanni nappaasoq silassorissuusiap assilialiaa Truth Socialimi marlunngornermi siammarterpaa.
Assi: Truth Social / @realDonaldTrump
Trumpip assi alla aamma siammarterpaa. Canada, Kalaallit Nunaat Venezuelalu USA-p erfalasuanik qalipaateqartut.
Trumpip Frankrigip præsidentia Emmanuel Macronip NATO-llu generalsekretæria Marc Ruttep allagai aamma saqqummiuppai.
Assi: Truth Social / @realDonaldTrump
Macronip Trumpip Kalaallit Nunaannut tunngatillugu iliusai paasisinnaanagit allagaani ilaatigut allassimavoq, præsidentilu oqaloqatiginerujumallugu Parisimi nereqatiginissaannut qaaqqullugu.
Donald Trumpip Mark Ruttemut allakkamini qutsavigaa.
Mark Ruttep Kalaallit Nunaannut tunngatillugu "siunissamut aqqutissiornissamut" piumassuseqarnera allagaani ilaatigut atuarneqarsinnaavoq.
Danmarki mianersoqquneqarsimaneraqqikkaa Nato-p Danmark Ruslandip Kalaallit Nunaannut ulorianartorsiortitsinera pillugu ukiuni 20-ni mianersoqqusarsimagaa, Danmarkili iliuuseqarsimanngitsoq, Trumpip ataasinngornermi unnukkut uteqqippaa.
Nunarsuarmi aningaasaqarneq pillugu ukiumoortumik ataatsimeersuarneq januaarip 19-ianniit 23-annut pissaaq, tassanilu USA-p aningaasaqarnermut ministeria Scott Bessent Schweizimi ataatsimeersuarnermi peqataavoq.
Trump World Economic Forumimi pingasunngornermi oqalugiassaaq, 2020-milu præsidentitut siullermeerluni peqataareerluni siullerpaamik ataatsimeersuarnermut peqataassalluni.
Trump aallartitanik aatsaat taama amerlatigisunik peqateqassasoq, World Economic Forum nalunaaruteqarsimasoq CNN allappoq.
