Tusagassiorfik: USA-p kalaallit naalakkersuisuisa siulittaasuat naapinniarsarigaa
USA-p præsidentiata illorsuanit USA-p Kalaallit Nunaannik naapitsinissaq pillugit pilersaarutai pillugit politikkip apeqqutaanut akissuteqartoqanngilaq.
Politiken naapertorlugu USA-p Kalaallit Nunaanni naalakkersuisut siulittaasuat Jens-Frederik Nielsen, Danmark peqataatinnagu ataatsimeeqatiginiarsimagaluarpaa.Assimi ministeriuneq Mette Frederiksen (S) peqatigalugu Europami Naalagaaffiit ataatsimoorfianni Københavnimi ukioq manna oktobarimi ataatsimeersuarnerani.
Foto (Arkiv): Leonhard Foeger/Reuters
Politikkikkut qaffasissumik Kalaallit Nunaannit sinniisunik Danmark peqataatinnagu ataatsimeeqatigiinnissaq USA-mit iluatsinniarneqaraluarpoq.
USA-mi, Kalaallit Nunaanni Danmarkimilu paasissutissanik pissarsilluni tamanna aviisip Politiken-ip paasisimanerarpaa.
Ileqquuvoq, nunanut allanut, sillimaniarnermut illersornissamullu Kalaallit Nunaannut pingaaruteqartunik oqaluuserisasaqartoqartillugu Danmark aamma Kalaallit Nunaat peqatatigiittartut.
Aviisilli paasissutissat pissarsiarisimasai naapertorlugit USA arlaleriarluni Jens-Frederik Nielsenimik toqqaannartumik oqaloqateqarniarsarigaluarpoq, taassuma apriilimi Kalaallit Nunaata naalakkersuisuisa siulittaasuatut nutaatut toqqarneqareernerata kingorna.
Politiken-ip Det Hvide Hus aperaa oqaluttuaq uppernarsarsinnaaneraat. Aviisip aamma apeqqutigaa, kikkut Kalaallit Nunaannit ataatsimiinnissamut peqataassanersut, ataatsimiinneq piviusunngorpat.
- Præsidenti isumaqarpoq Kalaallit Nunaat pingaarutilimmik inissisimasoq, qularutiginngilaalu kalaallit pitsaanerusumik inissisimalissasut, nunarsuarmi nutaaliaasumik navianartorsiortitsisunit Kalaallit Nunaat USAmit illersorneqassappat. Præsident Trumpip nunarsuarmi eqqissinerup attatiinnarneqarnissaa pingaartippaa, nunatsinni nunarsuarmilu, allakkatigut akissuteqarluni Det Hvide Hus Politiken-imut nassiussivoq.
Politikenip paasissutissiissutigaa naalagaaffeqatigiit akornanni oqaloqatigiinnissamut kissaateqarneq Kalaallit Nunaannit itigartinneqarsimasoq.
Aviisip paasissutissiissutigisinnaanngilaa kikkut amerikamiut sinnerlugit oqaloqatigiinnermut peqataassanersut.
Ukioq ataaseq qaangiutilerpoq, amerikamiut præsidentiata Donald Trumpip Kalaallit Nunaannut soqutiginninnera kingumut qaqinneqaqqimmat.
Siullermeerluni præsidentitut atuuffimmini Kalaallit Nunaat pisiarerusuppaa.
Taamani Ministeriuneq Mette Frederiksen (S) erseqqissaavoq isumassarsiaq "tulluartuunngitsoq", tamatumalu kingorna Trumpip Danmarkimut angalanissaminik pilersaarutini piffissaligaanngitsumik kinguartippaa.
Ukioq kingulleq decembarimi oqallinneq sakkortuseqqippoq. Taamani Donald Trumpip attaveqaqatigiittarfimmi Truth Socialimi allappoq Kalaallit Nunaannik piginnittuunissaq aqutsinissarlu pingaaruteqarluinnartuusut.
Taamatut kissaateqarneq tassungalu assingusumik oqaaseqaatit præsidentip kingusinnerusukkut arlaleriarluni uteqqippai.
Politikenip Ministeriuneq Mette Frederiksen (S), Jens-Frederik Nielsen aamma nunanut allanut ministeri Lars Løkke Rasmussen (M) oqaaseqartinniarsimagaluarpai.Taakkuli arlaannaataluunniit oqaaseqarusunngilaq.
