Naak
siornamut sanilliullugu ikinnerulaartut peqataagaluartut, taamaattoq Kalaallit
Peqatigiiffiisa Kattuffiata Inuit Siulittaasuat Camilla Siezing ukioq manna
Kalaallit Nunaannut juullimut inuulluaqqusinermik aaqqissuussinermik,
arfininngornermi Vejlemi ingerlanneqartumik iluarisimaarinnippoq.
- Inuit
1.350 missaat isertutut kisippagut. Siornanit ikinnerulaarput,
iluarisimaarpugulli, Camilla Siezing qasoqqaqisoq nuannaaqisorli
arfininngornermi unnukkaa oqarpoq.
Naak
siornamut sanilliullugu ikinnerulaartut peqataagaluartut, taamaattoq Kalaallit
Peqatigiiffiisa Kattuffiata Inuit Siulittaasuat Camilla Siezing ukioq manna
Kalaallit Nunaannut juullimut inuulluaqqusinermik aaqqissuussinermik,
arfininngornermi Vejlemi ingerlanneqartumik iluarisimaarinnippoq.
- Inuit
1.350 missaat isertutut kisippagut. Siornanit ikinnerulaarput,
iluarisimaarpugulli, Camilla Siezing qasoqqaqisoq nuannaaqisorli
arfininngornermi unnukkaa oqarpoq.
- Siorna
pisoq immikkuullarissuuvoq, siornami Juullimut inuulluaqqusinermi kattuffiup
ukiunik 50-nngortorsiornera nalliussivarput. Peqatigisaanillu arfininngornermi
Danmarkimi kalaallit aaqqissugaat allat arlallit ingerlanneqarput,
taamaalillunilu orniguttut 1.350-t iluarisimaarnarput - nuannaaqaagullu.
- Aaqqissuussaq
iluarisimaarnarpoq, suut tamarmik iluatsipput ingerlalluarlutillu.
Piumassutsiminnik suleqataasut sulisimaqaat, maanna sapaammi isikkavut
qaqillugit ilorrisimaarnissatsinnut piffissanngorpoq, siulittaasoq oqarpoq.
Emma ataatsimik ukiulik orpiliaqqaarpoq. Tamanna anaanaminit Ella Jakobsenimit toqqissisimanarnerpaamik kissumiarneqarluni pivoq.
Camilla
Siezing naapertorlugu Kalaallit Nunaannut juullimut inuulluaqqusineq
aaqqissuussaasarpoq immikkuullarissoq, piffissami nunarsuup
allanngoriartorfiani inunnik kateritsitsisinnaasoq.
- Kalaallit
Nunaannut Juullimut inuulluaaqqusineq aaqqissuussaavoq ataatsimoorfitsinnik
sammisaqarfigisagarput. Tassani kikkut tamarmik Kalaallit Nunaannut arlaatigut
attuumassuteqartut naapittarput – amerlasuullu ikinngutiminnik siorna
juullimili takusimasaminnik naapitseqqittarput. Taamaalillunilu Kalaallit
Nunaannut juullimut inuulluaqqusineq immikkut aaqqissuussaasarpoq
pisariaqartitarput – minnerunngitsumik juullilernerani meeraanitsinnik
nunatsinnillu eqqarsaatitsinniititsivitsinni.
Aia aamma Nava Kristiansen orpiliarnerminni ilungersornerulaarput.
Danmarkimi
kalaallinut aammalumi danskinut arlalinnut ukiorpassuarni Kalaallit Nunaanni
najugaqarsimasunut, juullimut aaqqissuussineq ilisimaneqartunik tamanik
pisoqarfiuvoq.
Ulloq
Vejlemi Sct. Nicolais Kirkemi kalaallisut naalagiarnermik aallarnerneqarpoq –
ualikkullu Vejlemi DGI-Husimi juulimaap pulaarneratigut, erinarsoqatigiillunilu
erinarsortartut tusarnaartitsinerisigut, oqalugiartutigut, aliikkusersuinikkut,
nipilersortarfimmilu nuliarsartoqarneratigut kiisalu pisarneq malillugu
peqataasut illoqarfikkaarlutik nipilersortarfimmut qaqillutik ikinngutiminnut
aggerfimminnilu ilisarisimasaminnut juullimut inuulluaqqusinerisigut
assigiinngitsorpassuarnik pisoqarfiuvoq.
Ulloq
nerersuaqatigiinnermik, aliikkusersuinermik unnukkullu qittannersaarsuarmik
naggaserneqarpoq.
Taamattaaq illoqarfik aamarsuarsiorfik Qullissat illoqarfigisamut inuulluaqqusinermi qaqititaqarpoq.
