Ulloq unnuarlu nalunaarusiaq: Nuup eqqaani umiatsiaq ikuallattoq

Nuup eqqaani umiatsiaq ikuallalerpoq motorerliornermik pissuteqartumik. Taamaattorli ikiortissaq qanissimavoq.

Foto: Oscar Scott Carl

Morten Okkels Morten Okkels Tusagassiortoq

Saqqummersinneqarpoq 24. Oktobari 2026 - 11:19

Ussassaarut

Kalaallit Nunaanni Politiit nalunaarput tallimanngornerup unnukkua unnuaalu ataatsimut isigalugu eqqissisimanarsimasoq taamaattorli suliassaq nalinginnaanngitsoq ataaseq Nuup avannamut kangiata nalaani pisimavoq.

Aasiaat Radioatigut nalunaaqutaq 17:58 mayday-imik nalunaarutiginnittoqarpoq. Angut Qooqqut Nuullu akornanni imaatigut angalasoq maluginiagaqalersimavoq umiatsiami motoriata aappaa putserluni aallartittoq.

Angut umiatsiamiittoq kalerrisaarummik qummoroortarpoq gummibåd-iminullu ikilluni. Qujanartumik qanittunnguaniittoqarsimavoq, sukkasuumillu ajutoortoq ikiorneqarsinnaalluni.

Motori ajoqutilik ikuallalersimavoq, innerlu umiatsiap sinneranut siaruaassimasoq, nakkutilliisut pisortaannut pisoq pillugu nalunaarutiginnittoqarpoq.