Ullormut unnuamullu nalunaarusiaq: SAR-imik ingerlatsinerit marluk kranimilu qallortoq

Kalaallit Nunaanni Politiit Issittumilu Sakkutooqarfik arfininngornermi unnukkut pujortuleeraq inersimasunik pingasunik meeqqamillu mikisumik inuttalik, kingullermik Upernavik Kujalliup avataani takuneqartoq ujaaraat.

Ilaqutaasut ulloq unnuarlu ataaseq sinnerlugu angalasunit tusarsimanatik, arfininngornermi nal. 18.32 nalunaarutiginnipput. Kingusinnerusukkut nalunaarutaat apuussinnaasimanngitsut paasinarsivoq. Unnuaq nalunaaqutaq sisamat missaanni naatsumik killiffissiueqatiginninniarlutik Uummannamut apuupput, pigaarut pisortaat oqaluttuarpoq.

Nunakkut pisunneq pilersaarut malillugu ingerlanngitsoq

Aamma Nuup eqqaani arnat pingasut Kapisilinnut pisuttarfikkoortillutik sumiiffeerunneranni SAR-imik ingerlatsisoqarpoq. Kuanninnguani qutsissumut anngupput, tassanngaannillu isumannaatsumik ammukarsinnaasimanatik.

– Ajutuulernermi kalerriisinnaanerat pitsaavoq, Karsten Højrup Kristensen oqarpoq, taassumalu ungasiliannginnermi isumannaallisaanermi atortut piareersimatilluarneqartarnissaat kaammattuutigaa.

Helikopterip pisuinnaat iluatsitsinerliortut pingasut hoisti atorlugu ikivai, taakkulu Nuummi napparsimavimmi misissorneqarput, ajoqusersimanngitsullu paasineqarluni.

Kranimi navianartumik pinnguartut

Nuup illoqarfiani politiit Kongevejimi sanaartorfimmut aggersarneqarput. Sapaammut unnuaani kalerriutiginittup nukappiaqqat pingasut kranimut qallortut takusimavai.

Taakkuli suli politiit anngutinngitsut aqqaqqipput piffillu qimallugu.

Arfininngornermi Nuummi inuup biiliniittut meeqqat arfineq marluk – arfineq pingasunik ukiullit siggartarfigai, cykelernerannilu uppisillugit. Biilertoq meeqqat takoqqaarnagit  Nuukullakkut ingerlaqqippoq. Politiit pineqartoq tusagaqarfigersuppaat.

– Imaassinnaavormi inuup pisut allatut paasigai, pigaarut pisortaat erseqqissaavoq.