USA-mi inatsisartut Ukrainemut tapersiinissamut siunnersuut akueraat

USA-p inatsisartui, kongressimi, Ukrainemik tapersersuinissamik Ruslandimullu pillaatisiassanik nutaanik atuutsitsilernissamik inatsisissatut siunnersuut akueraat.

Nutaarsiassaqartitsivik Reuters taama allappoq.

Ukrainemik tapersersuinissamik inatsisissaq 226-nit akuerineqarpoq, 195-it akerliullutik.

Reuters naapertorlugu taasinerup takutippaa Republikanerit amerlanerussuteqartut partiip siulersuisuinik, præsident Donald Trumpimullu akerliunissaminnut sapiissuseqartut.

Inatsit qaammatit arlallit matuma siorna siunnersuutigineqarpoq, aatsaallu inatsisartut ataatsimiittarfianni, inatsisartut 218-it atsiornerisigut politikkerit amerlanerussuteqartut taasititsinissamik kissaateqarneranni taasisoqarsinnaalerpoq.

Siunnersuut, USA-p præsidentianit Donald Trumpimit ippassaq saqqummiunneqarpoq, taamaasillunilu Ukraine 8 milliardit dollarinik taarsigassarsinissaanut periarfissinneqarpoq.

Taamatut aalajangiineq inatsisartut ataatsimiittarfianni, republikanerit ikittunnguit Demokraatit peqatigalugit inatsisissatut siunnersuummik akuersineratigut pivoq, Iranimut sorsunneq kongressimi akuerineqaqqaarnissaa siunertarineqarluni.

Reuters naapertorlugu Ukrainep – Ruslandillu akornanni inatsisip siunissaa nalorninartoqarpoq.

Siunnersuut USA-p inatsisartuisa immikkoortuani allami, tassa senatimi, akuerineqassaaq. Tassani inatsisartuni Trumpimut tapersersuisunik siulersorneqartumi Ruslandimut killilersuinerit suli akuersissutigineqanngillat.

Reuters naapertorlugu inatsisissaq senatimi akuerineqarpat, præsident Trumpimit itigartinneqarnissaa naatsorsuutigineqarpoq.

2022-mi Ruslandip Ukrainemik tiguaaniarluni saassussinerata kingorna, Kongressimi ilaasortat ukiuni siullerni Demokratineersut Republikaanerineersullu amerlasuut Ukrainemut tapersersuinertik ersersippaat.

Trumpimi januaarimi 2025-mi White Housemut uternerata kingorna, Republikaanerit Trumpimut tapersersuisut arlallit tassunga tapersersuinissartik, tunuarsimaarfigaat.

/ritzau/