USA-p nunani tamalaani suleqatini oqaaseq superintelligens atuinissaat kissaatigaa

USA-mi aningaasaqarnermut naalakkersuisoqarfiup nunani tamalaani suleqatini piumaffigai silassorissuusiaq "superintelligens“-mik taaguusissagaat.

Taama ministeriaqarfimmi oqaaseqartartoq nutaarsiassaqartitsivimmut Reutersimut oqarpoq.

Trumpip naalakkersuisui nunat allat Nunarsuaq Tamakkerlugu Aningaasaqarnermut Aningaasaateqarfimmi (IMF) ilaasortaasut taaguutip nutaap atorneqalernissaa maannakkut isumaqatiginninniutigaat.

USA-p aningaasaqarnermut naalakkersuisoqarfiani nunanut allanut tunngasunut pisortaap Erin Brownep Reutersimut oqaatigiumanngilaa, taaguut allanngortinneqanngippat nalunaarummut USA atsiorumassannginnersoq.

- Isumaqarpunga oqaatsip tamatuma atornissaa USA-mit pingaarnersiorneqartoq, isumaqarpugullu teknologii pineqartoq taama taassallugu tulluartuusoq, Reutersimut oqarpoq

USA-mi naalakkersuisut neriuutigaat oqaatsip "superintelligens“-p nunarsuaq tamakkerlugu atorneqarnerulernissaa, USA-p G20-mi ataatsimeersuarnermi siulittaasuuffimmik nikisiterinerata nalaani.

Miamimi ataatsimiinneq decembarimi pissaaq.

G20 nunat 19-it, EU-p Afrikamilu Naalagaaffiit Peqatigiit ataatsimeersuarneranni nunarsuarmi aningaasaqarnermut tunngasunik aningaasaqarnermilu unamminiagassanut oqallittarfiuvoq.

USA-p præsidentiata Donald Trumpip FN-ip ataatsimeersuarnerani oqalugiarnermini septembarimi nalunaarutigaa, Amerikamiut naalakkersuisuisa pisortatigoortumik attaveqatigiinnerminni silassorissuusiaq "superintelligens“-mik siunissami taasalissagaat.

Oqalugiaammini Trumpip oqaaseq "silassorissuusiaq" (artificial aaqq.) teknologiimik suusupaginninnertut oqaatiga.

Taassuma neriuutigaa nunarsuup sinnerani aamma taaguut taanna atugaalerumaartoq.

- Taanna tusaruminarneruvoq, eqqoqqissaarnerullunilu, Trump oqarpoq.

Taaguut "superintelligens“ silassorissuusianut atorneqartoq, Trumpip naalakkersuisuisa tulleriiaaralutik taaguutinik atinillu allanngortitseqattaarnerata ilagaat, ilaatigut Den Mexicanske Golf Den Amerikanske Golfimik taaguutaa allanngortippaa, soorluttaaq tasersuaq Lake Ontario "Lake America"-mik allanngortikkaa.

RITZAU