Vietnamip pisortatigoortumik Danmarkimut tikeraarnermini kalaallit saqqummersitsinerat alakkartissavaa

Vietnamip præsidentia To Lam nulianilu Ngo Phuong Ly Danmarkimut tikeraarneranni umiatsiamik angalasoqassaaq, atuakkanik atorniartarfimmut takornariartoqassalluni, kalaallit saqqummersitaannik alakkarterisoqarluni inuussutissarsiornermillu ataatsimeersuartoqassalluni.

Tamanna kunngikkormiut nittartagaanni takuneqarsinnaavoq, tassanilu oktobarip 19-aniit 21-anut naalagaaffimmut tikeraarnissaq pillugu pilersaarut saqqummiunneqarpoq.

Aappariit Københavnip mittarfianut ataasinngornermi tikissapput, tassanilu danskit kunngikkormiuinit, aappariinnik pisortatigoortumik tikeraaqqusisunik, tikilluaqquneqassapput.Kareterlutik Amalienborgiliannginnerminni Kastelletimut kransiliiartussapput.

Ulloq siulleq pilersaaruteqarfioqaaq, ilaatigut Folketingimut, atuakkanik atorniartarfimmut Københavnip avannaata kitaani Rentemestervejimiittumut, isiginnaartitsisarfimmut aamma Niels Bohr Institutimut pulaassapput.

Ministerit arlallit pisortatigoortumik tikeraarnerup ingerlanerani assigiinngitsuni najuutissapput, ulloq siulleq Christiansborg Slotimi nalliuttorsiutigalugu nereqatigiinnermik naggaserneqassaaq.

Pisortatigoortumik tikeraarnermi ornitani assigiinngitsuni ministerit attuumassuteqartut naapitassaassapput, ullorlu siulleq Christiansborg Slotimi nereqatigiinnermi naggaserneqassalluni.

Kunngip Frederikip præsidentillu To Lamip marlunngornermi pilersaarutit inuussutissarsiornermik isumasioqatigiinnermi aallartissavaat, tassani inuussutissarsiornermi pisortat oqaloqatigissallugit. Pisortaq kikkut peqataassanersut pilersaarutini takuneqarsinnaannngilaq

Taamaalinerani Vietnamimi præsidentip nulia, Ngo Phuong Ly, Københavnimi Refshaleøenimi eqqumiitsulianik katersugaasivimmut Copenhagen Contemporarymut pulaassaaq.

Pilersaarutit naapertorlugit Dronning Mary tikeraarnermi tamatumani peqataassanngilaq.

Ulloq taanna præsidentip To Lamip ministeriuneq Mette Frederiksen (S) naapissavaa, aamma nulianilu Vietnamimiunik Danmarkimi najugalimmik naapitaqassaaq.

Ulloq naggaserlugu ilaatigut Glyptoteketimi tusarnaartitsisoqassaaq.

Pisortatigoortumik tikeraarnermi ulloq kingulleq, pingasunngorneq, sivikinnerujussuuvoq.

Kunngi præsidentilu Københavnip umiarsualiviani umiatsiamik angalassapput, ilaatigut qeqertaasaq Lynetteholm takusinnaassallugu.

Nalunaaqutaq 11.00 tikeraarneq naammassissaaq, Amalienborgimilu kunngikkormiut præsidenti nulialu inuulluaqqussavaat.

Ukioq manna ukiut 55-it qaangiupput, Danmarkip Vietnamillu naalagaaffittut suleqatigiinnertik aallartimmassuk.

Kunngi Frederik aamma Dronningilu Mary 2022-mi kingullermik Vietnamimut pisortatigoortumik tikeraarput.

Vietnami naalagaaffiuvoq socialistiusoq kommunistit partiiannit aqunneqartoq.

To Lam Vietnamimi præsidentiuinnarnani aamma kommunistit partiianni generalsekretæriuvoq, Kommunistit partiani siuttuusoq nunami pissaaneqrnerpaatut isigineqartarpoq.

RITZAU