Vivian Motzfeldt Prins Joachimip Washington D.C-mi tikilluaqqugaa
Vivian Motzfeldt Danmarkip, Kalaallit Nunaata USA-llu pingasunngornermi ataatsimeeqatigiinnissaat sioqqullugu USA-mut tikippoq, aallartitaq allappoq.
- Kalaallit Nunaat USA-mit pigineqarusunnanilu, aqunneqarusunnanilu USA-mut ilaarusunngilaq. Kalaallit Nunaat ullumikkut ilisimasarput toqqarparput – Kunngeqarfik Danmarkimut ilaasoq, Vivian Motzfeldt danskit USA-mi aallartitaata X-imi ikkussaani oqarpoq.
Assi: Oscar Scott Carl
Prins Joachimip, Washington D.C-mi danskit aallartitaqarfianni illersornissamut tunngasunut ataqatigiissaarisup, Vivian Motzfeldt (S), nunanut allanut tunngasunut naalakkersuisoq, USA-p illoqarfiisa pingaarnersaannut tikilluaqquaa.
Tamanna Danmarkip USA-mi aallartitaata Jesper Møller Sørensenip marlunngornermi unnukkut X-imi allaaserisaani takuneqarsinnaavoq.
Aallartitattaaq Prins Joachimip Vivian Motzfeldtilu, nammineq Jacob Isbosethsenillu, Kalaallit Nunaata USA-mi sinniisoqarfiani pisortap assingat siammarterpaa.
Vivian Motzfeldt USA-p Danmarkip Kalaallit Nunaatalu pingasunngorpat Det Hvide Husimi ataatsimeeqatiginissaat sioqqullugu Washington D.C.-mut tikippoq.
Motzfeldtip saniatigut naalagaaffeqatigiinnermiit nunanut allanut ministeri Lars Løkke Rasmussen (M) aamma peqataavoq.
USA-mi præsidentip tullia J.D. Vance ataatsimiinnermut qaaqqusisuuvoq, aamma USA-mi nunanut allanut tunngasunut ministeri Marco Rubio peqataassaaq.
- Kalaallit Nunaat USA-mit pigineqarusunnanilu, aqunneqarusunnanilu USA-mut ilaarusunngilaq. Kalaallit Nunaat ullumikkut ilisimasarput toqqarparput - Kunngeqarfimmut Danmarkimut ilaasoq, Motzfeldt taama oqarsimasutut ikkussami issuarneqarpoq.
/ritzau/
