Zelenskyj naalakkersuisunik allannguinermut atatillugu nutaamik premierministerertaarumavoq

Ukrainep siulersorneqarnerani allannguinerit annertuut pigalutturaput. 

Taama Ukrainep præsidentia, Volodymyr Zelenskyj, sapaammi X-ikkut allappoq. 

Nunap premierministeria Julija Svyrydenko nutaamik inissisimaffeqalernissaanik neqeroorfigisimallugu, præsidentip ilanngullugu oqaatigaa. 

- Pingaarnertut suleqatinik atassuteqarnermut immikkoortumik nutaamik pingaarutilimmillu siulersuinissamut periarfissamik neqeroorfigaara, Zelenskyj allappoq, imalu nangilluni: 

- Inatsisartuni ilaasortat peqatigalugit Ukrainep naalakkersuisuini assingusumik allannguinissarput naatsorsuutigaara. Taamattaarlu nunap inatsisinik atuutsitsinerani oqartussat qullersaasa akornanni taarsiisoqassaaq. 

Premierministerip saniatigut kikkut atuuffimminnik annaasaqarlutilluunniit pissarsissanerat Zelenskyjip oqaatiginngilaa. 

Præsidentip oqaaseqaataa malillugu allannguinerit nunanut allanut kiisalu nunamut namminermut politikimi nutaamik politikikkut periusissiorneq allannguinernut patsisaavoq. 

- Nutaanik unammilligassaqarlunilu nutaanik suliassaqarpoq. Ukrainep sorsuffiata killingani killeqarfinnilu ulluinnarni russinit saassunneqartuni annertuumik sulinermik nukittorsaasoqassaaq, Zelenskyj allappoq. 

Ukraine ukiornissaanut piareersassasoq qunusaarinermullu sumulluunniit pilersumut piareersimassasoq, taassuma itisiliissutigaa. 

- Suliffeqarfinnik naalagaaffimmit pigineqartunik allannguineq kiisalu Ukrainep akiuussinnaassusaa suut siuartinneqarnissaannik aallaaveqarluinnarpoq. 

- Ukrainep nappaatitereqqinnissamik suleqatiminik isumaqatigiissitaasa aamma immikkut siunnerfilimmillu eqqummaarinnissaq pisariaqartippaat, Zelenskyj allappoq. 

Julija Svyrydenko X-imut ivertitsilluni ”Ukrainemut sullissinissaminut suli piareersimalluni suliassanillu suugaluartunilluunniit isumaginnissalluni” allappoq. 

- Ukrainep oqaluttuarisaanerani nutaami piffissami ajornakusoornerpaat ilaanni naalakkersuisunut siuttuusimanera tulluusimaarutigaara, taanna allappoq. 

Ivertitamini Svyrydenkop premierministeritut uninnissani toqqaannartumik uppernarsanngilaa. Taamaattoq ”alloriarnerit tulliit” Zelenskyjmik oqaloqatigiissutigisimallugit allappoq. 

Svyrydenko juuli 2025-mili nunami preminierministeriuvoq. Tamanna sioqqullugu Ukrainep aningaasaqarnermut ministereralugulu vicepremierministereraa. 

Zeleskyjp atuuffimmut toqqarmagu, marluullutik Ukrainep aningaasaqarnerata nukittorsarnissaanut suliniutinik, Ukrainemut tapiissutinik aaqqissuussinernik annertusinissamik kiisalu nunap sakkussiorneranik annertusaaniarlutik  sukumiisunik oqaloqatigiissuteqarsimallutik oqaatigaa. 

- Anguniagaq tamanna angujumallugu Ukrainep siulersorneqarnera allanngortipparput, taaani Zelenskyjh X-imut ivertitamini oqarpoq. 

RITZAU