Zelenskyj: Rusland isumaqatiginninniarnermi akissarsitinneqassanngilaq

Ukrainep Ruslandillu akornanni eqqissinissamik isumaqatigiinniarnermi nunamut tunngasut unammilligassat annersaraat.

Ukrainep præsidentia Volodymyr Zelenskyj Frankrigip illoqarfiisa pingaarnersaanni Parisimi franskit præsidentiat Emmanuel Macron ataatsimeeqatigeqqammerlugu tusagassiortunik ataasinngornermi katersortitsinermi oqarpoq.

Rusland sorsunnermik aallartitsinermi kinguneranik iluaqutissinneqassanntsoq Ukrainep nunat iligisaanut Zelenskyj aamma kaammattuivoq. Reuters allappoq.

USA-mit immikkut aallartitaq Steve Witkoff Ruslandimut marlunngornermi tikeraareernerata kingorna amerikami præsidenti Donald Trump ataatsimeeqatiginissaa neriuutigalugu Ukrainemi siuttuata aamma oqaatigaa. Taanna Macron peqatigalugu tusagassiortunik katersortitsivoq.

Eqqissinissamik isumaqatigiinniarnermi Ukrainep nunap oqartussaanerata attatiinnarnissaa isumannaatsuunerullu qulakkeernissaa pingaarnerpaatinneqartoq, Zelenskyj tusagassiorfinnut katersortitsinermi aamma erseqqissaavoq.

/ritzau/