Zelenskyj: Ruslandip nukissiutitigut sakkuaakkunnaarallarneq arfinileriarluni ataasinngornermi unioqqutippaa

Zelenskyj naapertorlugu nukissiutitigut sakkuaakkunnaarnissamut Rusland piareersimanngitsoq erserpoq.

Ukrainemi præsidenti Volodymyr Zelenskyj naapertorlugu Ukrainep nukissiorfii arfinillit russinit ataasinngornermi saassunneqarput.

Naak nukissiutitigut sakkuaakkunnaarnissamik USA-mit pilersitsisoqaraluartoq præsidenti X-mi quppernermini allappoq saassussinerit suli ingerlanneqartut.

- Ruslandip USA-p nukissiutitigut sakkuaakkunnaarallarnissamik aaqqiinera akueriumanngikkaa ersarissigaluttuinnarpoq, Zelenskyj allappoq.

USA-p præsidentiata Donald Trumpip Truth Social aqqutigalugu sapaatiummat nalunaarutigaa, Ukraine Ruslandilu nukissiutitigut sakkuaakkunnaarallarnissamik isumaqatigiissuteqartut. Marluullutik isumaqatigiissut akueraat, ingerlaannarlu tamanna atuutilissalluni, Trump erseqqissaavoq.

USA-p nukissiutitigut sakkuaakkunnaarallartoqarnissaa ataasinngornermi nalunaarutigingaa, tusagassiuutitigut paasisimallugu Zelenskyj oqarpoq .

Ruslandimi præsidentip oqaaseqartartuata, Dmitry Peskovip, pisoq tamanna oqaaseqarfigerusunngilaa.

- Attaveqaqatigiinneq ingerlavoq, suliamut tunngatillugu oqaaseqarsinnaaleriarutta paasititsiumaarpugut, Peskov tusagassiortunik ataasinngornermi katersortitsinermi, sakkuaakkunnaarallarnissaq pillugu toqqaannartumik aperineqarami taama akivoq.

Trumpip qinigaaffiup qiterpaarnerani qinersinissaq sioqqullugu nukissiuutit akitsoraluttuinnarnerannik tatineqarpoq.

Ruslandimit dieselimik pisinissamik isumaqatigiissut tallimanngormat saqqummiuppaa, Zelenskyjlu sapaatillu-akunnerata naanerani tativaa, russit nukissiuutinik pilersuiffiinik saassusseqqunagu.

RITZAU